လၟေၚ်ကမၠောန် အစဳဇန် P3 (P3 Program)

P3 Program ဝွံ မၞိဟ်ဇကုစိုပ်အာဍုၚ်အမေရိကာန်တေံတုဲ သွက်ဂွံကော်ကေတ် သမ္ဘာ၊ တၠသ္ရိ၊ မိမ၊ ဟွံသေၚ်မ္ဂး ကောန်ဇာတ်ဇကုဇကု မနွံဍုၚ်တၞဟ်တံရ။ P3 Program ဝွံ မၞိဟ်ဇကုမနွံမံၚ်ပ္ဍဲဍုၚ်အမေရိကာန်တေံ လုပ်ကဵုအဆက် Resettlement Agency မွဲမွဲဒၞာဲတုဲ ကော်ကေတ်မၞိဟ်ဇကုမာန်ရ။ မၞိဟ်ဇကုမကော်ကေတ်တံဝွံ မၞုံကဵုကာဒ် UN ကဵုဒှ် ဟွံမွဲကဵုဒှ် ကော်ဘိက်ကေတ်မာန်တုဲ တၠသ္ၚိ ကော်ဘိက်သမ္ဘာ၊ သမ္ဘာ ကော်ဘိက်တၠသ္ရိ၊ မိမ ကော်ဘိက်ကောန်ဇာတ်၊ ကောန်ဇာတ် ကော်ဘိက်မိမမာန်ရ။ ပ္ဍဲအရာ မိမကော်ကောန်ဇာတ်ဂှ် ကောန်ဇာတ်ဇကု သ္ဒးဒှ်သၟဝ်အာယုက် ၂၁ တုဲ မ္ဒးဒှ်မၞိဟ်ပၠး ဟွံမွဲကဵုအိန်ထံၚ်ဏီရ။ P3 Program ဝွံ ကော ကော်ဘိက်ဒေံ၊ ဒေံကော်ဘိက်ကော သာ်ဝွံ အခေါၚ်ကၠောန်ဟွံမွဲရ။ ပ္ဍဲကိစ္စမိမ ကော်ဘိက်ကောန်ဇာတ်၊ ကောန်ဇာတ် ကော်ဘိက်မိမဂှ် ဒဒှ်ရမၞုံကဵုဆီမဆက်စပ် နွံ/ဟွံမွဲ သ္ဂောံတိတ်ဗၠးနူပွမလီဠာန်ဂးတုဲ ဍေံတံစမ်ၜတ်အာ DNA ရ။ သွက်ဂွံစၟဳစၟတ် DNA ဂှ် ညးမနွံမံၚ်ပ္ဍဲဍုၚ်အမေရိကာန်တေံဟေၚ် သ္ဒးရာန်ကဵု DNA Kit တံဂှ်ရ။ DNA Kit ဂှ် သွက်ကောန်ဇာတ် ဟွံသေၚ်မ္ဂး မိမမွဲတၠမ္ဂး ၚုဟ်မးဍေံ US$ 400 ဒှ်တုဲ ယဝ်ကောန်ဇာတ် ဟွံသေၚ်မ္ဂး မိမသီုၜါတၠမ္ဂး အိုတ်ၚုဟ် US$ 600 ရ။ ယဝ်ကောန်ဇာတ်ပိတၠမ္ဂး အိုတ်ၚုဟ် US$ 800 ရ။ ၚုဟ်မးဇကုမ္ဒးဒုၚ်အိုတ်လဝ်တံဝွံ အခါရစၟဳစၟတ် DNA ဂှ် ဍာံပြအံၚ်ဇၞးအာမ္ဂး နူအလဵုသဳဍုၚ်အမေရိကာန်တံ ဍေံက္လေၚ်လေဲကဵုဇကုပၠန်ရောၚ်။ ယဝ်ကိစ္စစၟဳစၟတ် DNA ဂှ် ဟွံအံၚ်ဇၞးမ္ဂး သြန်ဇကုမပ္တိတ်ရာန်လဝ် DNA Kit ဂှ် သ္ဒးဒုၚ်ဆောံအာရောၚ်။

လၟေၚ်ကမၠောန်တၠုၚ်လအာ P3 Program က္ဆံၚ်က္ဆံၚ်ဂှ် ရံၚ်ကေတ်ဗီုရုပ်သၟဝ်ဏံညိ။