နူဂကောံဟံၚ်ပြာ်မန်တအ် ဆဵုဂ္ဇကု ကောန်ဂကောံနွံဒၟံၚ်ပ္ဍဲဒေသ ကၠတ်ထၜိုတ်နာနာ

          စနူစၟတ်တ္ၚဲ ၂၂ ဂှ် ညးတာလျိုၚ်ဂကောံဟံၚ်ပြာ်မန်တအ် စှေ်ဝေၚ်ဒေသကၠတ်ထၜိုတ် ဆဵုကဵုကောန်ဂကောံ
ဒေသနာနာ မဒှ်ရ။ အကာဲအရာဝွံ နူညးတာလျိုၚ်ဂကောံပံၚ်ကောံမန်မလေဝ်ယှာ ဒေသပဳနာန် နာဲဇဲလွဳမန်
အာတ်မိက်တုဲ ပိုဲဘိုၚ်စှေ်ကဵုမဒှ်ရ သာ်ဝွံ ညးအုပ်ကာဂကောံဟံၚ်ပြာ်မန် နာဲကယျိုၚ်မန် ဟီုရ။
တရဴဆဵုဂဗကဵုကောန်ဂကောံဝွံအဓိကသ္ကိုပ်ဒေသ နာဲပညာသွက်မန်တံကီု၊ နာဲတၠမန်အံၚ်တံကီု၊သီုကဵုနာဲဘဖျောန် သ္ကံရဲညးၜါတၠ ဒုၚ်သဇိုၚ်တုဲ ဂွံစိုပ်အာ ဒေသကွာလာနေရၚ် နာကာ (Kuala Nerang Naka) ဒေသဂူရုန် ဗူကေတ်ပေရ (Gurun Bukit Perak) ဒေသ
သေက်(Sik) ဒေသဗါလေန်သူၚာဲတာဝ(Balin Sunggai Tawar) ကေုာံ အလဿတာ၊ ဂူလေန်၊ ဗဳအာမ် - မာဂျာန်မာ
ပအ် တအ်လေဝ် အာစိုပ်လဝ်အကြာကောန်ဂကူမန်တအ်ကီု မဒှ်ရ။

Read More

နူဂကောံ Calvary Church ကေုာံအ္စာ Volunteers တအ် ကၠုၚ်ဆဵုဂဗကဵုကွးဘာပရေၚ်ပညာ ဂကောံဟံၚ်ပြာ်မန်

    ပ္ဍဲစၟတ်တ္ၚဲ ၃၀/၀၅/၂၀၁၅ ဂှ် နူဂကောံ Calvary Church ကေုာံ အ္စာ Volunteers တံဂမၠိုၚ် ကၠုၚ်စိုပ်ဘာပရေၚ်ပညာ ဂကူမန် ဘာဂကောံဟံၚ်ပြာ်မန်တုဲ ကၠုၚ်ကဵုဒါန်နာနာသွက်ကောန်ဒှ်ဒဒိုက် ကောန်ဂကူမန် မၞုံဒၟံၚ်လ္တူဍုၚ်မလေဝ်ယှာဏံကီုရ၊ နူကဵုဂကောံအ္စာ Volunteers ၂ တၠလေဝ် ကၠုၚ်ဗ္တောန်ဒၟံၚ်လိက်ကဵုကွးဘာမန်ပိုဲ ဇၟာပ်သတ္တဟ -၂ တ္ၚဲကီုရ။ တ္ၚဲဏံဝွံ ဒှ်သတ္တဟ ဘာဍုၚ်မလေဝ်ယှာတံဗွဲမဂၠိုၚ်ကၟာတ်ဘာတုဲ သီုညးတံကော်ဘိက်နၚ်ကွးဘာ နူဘာညးတံတုဲ သီုဒယှ်ဏာဒွက်ကရောံကွးဘာပိုဲ ဗွဲမသၠးပွးသၠာဲဂတးလှေ် မဒှ်ကီုရ။

Read More

ညးတာလျိုၚ်ပရေၚ်ထတ်ယုက်တြေံမွဲတၠ တိက်အာဍုၚ် USA ပၠန်

      နာဲဂံၚ်သိုက်ဝွံညးဒဒှ်တာလျိုၚ်ပရေၚ်ထတ်ယုက် ဂကောံဟံၚ်ပြာ်မန်တြေံမွဲတၠမဒှ်ရ  ညးဂှ် ဇာတိကွာန် သၞေဟ်ကရေၚ် ပွိုၚ်ဍုၚ်ရေဝ်မဒှ်ကီုရ၊ နူကဵုသၞာံ ၂၀၁၀ တေံ ဂှ် စယိုက်ကၠုၚ်လဝ် နဒဒှ်လျိုၚ်ပရေၚ်ထတ်ယုက် စဵုကဵုစိုပ် ၂၀၁၂ ရ။ နာဲဂံၚ်သိုက် ဝွံ ကေတ်ကၠုၚ်တာလျိုၚ် လ္တူရုၚ်ဟံၚ်ပြာ်မန် ပရေၚ်ထတ်ယုက် ပွိုၚ် ၂ သၞာံပြၚ်ၚ် ကီုရဂှ် သ္ဂောံတီကေတ်ကီုရ။ အခိၚ်ညးကေတ်ဒၟံၚ်တာလျိုၚ် လ္တူရုၚ်ဟံၚ်ပြာ်မန်ဂှ်မ္ဂး နာဲဂံၚ်သိုက်ဝွံ မွဲဂိတုမ္ဂး ပလံၚ်ဒၟံၚ် မၞိဟ်ယဲ လၟိဟ် (၃၀) တၠ ပြၚ်ၚ် မၞုံဒၟံၚ်ကီုရဂှ် ညးလဴထ္ၜးရ။ ဆက်တုဲမ္ဂး ကောန်ဂကူမန်ပိုဲဗွဲမဂၠိုၚ်ဂှ် ကေတ်အရီုဗၚ် လ္တူရုၚ်ဟံၚ်ပြာ်မန် တုဲ အခိၚ်တေံမ္ဂး နကဵု ညးတာလျိုၚ်တအ် ဟွံသၠး ကွေံကွေံပုဟ်ဂှ် ညးဟီုတဴရ။ မုဟိုတ်ရောဟီုတှေ် အခိၚ်ကာလဂှ်ကောန်ဂကူပိုဲလေဝ်စိုပ်ကဵုပရေၚ်ထတ်ယုက်တှေ် ခက်ခုဲမံၚ်ကွေံကွေံရ။ ဟိုတ်ဂှ်ရ တ္ၚဲတၟးတ္ၚဲပၠိုတ်ဟွံဂံၚ် စဵုဒစးလ္တူကောန်ဂကူမွဲသာ် သ္ဒးရေၚ်တၠုၚ်မံၚ်ကဵု ဍိုက်က်ပေၚ်ၚ်ကီုတုဲ အခိၚ်တေံ ဂှ် လေဝ်ညးတာလျိုၚ်ဟံၚ်ပြာ်မန်တံလေဝ်အောန်မံၚ်တုဲ သွက်ဂွံတောဲကဝါ်အာ ကဵုမၞိဟ်တၟိဂှ်လေဝ် မၞိဟ်ဟွံမွဲတုဲသ္ဒးဂြိပ်အာမံၚ်အတိုၚ်ဏံရ။ ပ္ဍဲကဵုအခိၚ်ဂှ်တှေ်ပွိုၚ်မွဲဂိတုမ္ဂး မၞိဟ်ယဲ (၃၀) တၠပြၚ်ၚ်နွံရ၊ ဟိုတ်ဂှ်ရ ကာလအဲကေတ်ဒၟံၚ်တာလျိုၚ် လ္တူရုၚ်ဟံၚ်ပြာ်မန်ဂှ် တၚ်ခက်ခုဲနွံကၠုၚ်မ္ဂး သၠးအခေါၚ်ကဵု အဲမွဲဝါညိဂှ်မဂွံဒုၚ်ဏါဂုဏ်လ္တူကောန်ဂကူပိုဲကီုရ၊ နာဲဂံၚ်သိုက်ဝွံ ညးမဒှ်ဆာန်ဂကူမန် မွဲတၠကီုရ မုဟိုတ်ဟီုတှေ် အခိၚ် ကၠာဟွံဂွံ ကေတ်တာ လျိုၚ် လ္တူရူၚ်ဟံၚ်ပြာ်မန် ဍိုက်က်ပေၚ်ၚ်ဏီဂှ် ကေၚ်ရေၚ်တၠုၚ်မံၚ်ကဵုသွာၚ်ပရေၚ်ကောန်ဂကူ မွဲဒကုတ်မွဲဒကုဲ နွံမံၚ်ကီုဏောၚ်ဂှ် လေဝ်သ္ဂောံတီကေတ်လဝ်ကီုရ။
ဟိုတ်ဂှ်ရ ပ္ဍဲကဵုစၟတ်တ္ၚဲ 26/05/2015 ဏံမ္ဂး နာဲဂံၚ်သိုက် သွက်ဂွံတိတ်အာဍုၚ် (U.S.A) ဏောဝ်ဂှ် ဂွံတီကေတ်နူ နာဲဂံၚ်သိုက်ဂှ်ရ ဟိုတ်ဒှ်သာ်ဂှ်ရ နူကဵုရုၚ်ဟံၚ်ပြာ်မန်လေဝ် ကဵုဏာပရၚ်တဲ သ္ပစၟတ်သမ္တီ ပရေၚ်နာဲဂံၚ်သိုက် ၜိုန်ရယိုက်ဂၠေၚ်လဝ် လ္တူရုၚ်ဟံၚ်ပြာ်မန်ဂှ် ပိုဲညးတာလျိုၚ် 2015 ဏံ မဒးသ္ပဏာ စၟတ်သမ္တီ လ္တူ နာဲဂံၚ်သိုက် နကဵုလိက်ဏံကီုရ။ တုဲပၠန် နာဲဂံၚ်သိုက် ကေုာံ သမ္ဘာ ကောန်ဗၠာဲ တအ်သီုဖအို်တ် ကဵုဂွံဍိုက်ပေၚ်ကဵု တသိုက် စိုတ် တသိုက်ကါယ တုဲ ကဵုဂွံဆဵုဂဗ ကဵု မိဿဟာဲ ပြဲ မိဿဟဲခိုဟ် မွဲဝါညိအဴ။

Read More

ကွးဘာပရေၚ်ပညာဂကောံဟံၚ်ပြာ်မန်တအ် သွဟ်လိက်လဒေါဝ်သၞာံ

     

         

        ပ္ဍဲကဵုစၟတ်တ္ၚဲ (၂၅- ၀၅ -၂၀၁၅ စိုပ် ၂၇-၀၅-၂၀၁၅)ပွိုၚ်ပိတ္ၚဲလတူဍုၚ်မလေဝ်ယှာ ကွးဘာပရေၚ်ပညာ ဂကောံဟံၚ်ပြာ်မန်တအ် သွဟ်လိက် နကဵုကွက်သၞာံ ပိဘာသာဂွံတီကေတ်ရ၊ အဓိက(English, Mathematics,Science) ပၞောဝ်ကဵုသၞာံကဝက် ဝွံကွးဘာ မၞုံကဵုဍာ်ဒကေဝ် ပေၚ်ၚ်တအ်ဂှ်၊ တံၚ်ဂြဲပတိုန်ကဆံၚ်သၠုၚ်ပတိုန်တန်ရောၚ်။တုဲပၠန် သွက်ဂွံစဗ္တောန်အာ လိက်ဘာသာလိက်ဗွဟ်မန်လေဝ် ဆက်ပံက်အာရောၚ်၊ ဗွဲတၟေၚ်မွဲဂှ် အကြာအခိၚ်ၜိုတ်ဂွံဂှ် သွက်ဂွံပြံက်ဗတောန်အာ လိက်ဘာသာဗၟာအခိၚ်ကၟာတ်ဘာညိညရောၚ်။

Read More

တ္ၚဲဟံသာဝတဳလီု ပေၚ် ၂၅၈ သၞာံ လတူဍုၚ်မလေဝ်ယှာ

   

 

   ပ္ဍဲစၟတ်တ္ၚဲ ၁၀.၀၅.၁၅ ဂှ် ဒှ်တ္ၚဲဟံသာဝတဳလီုပေၚ် ၂၅၈ သၞာံမဒှ်ရ၊ စၚ်မ္ၚဵုအသေဟာန်တ္ၚဲဟံသာဝတဳလီုပေၚ်၂၅၈ သၞာံဝွံ လ္တူဍုၚ်ကီု မ္ၚးဍုၚ်ကီု ဒၞာဲကောန်ဂကူမန်တံစိုပ် ဗီုညးကဵုညး ဒၞာဲညးကဵုညးကၠောန်သ္ပအာဂှ်ဂွံ ဆဵုညာတ်ကေတ်လ္တူအန်လာၚ်တံကီုရ၊ ဒဒှ်ရ တ္ၚဲဟံသာဝတဳလီုပေၚ် ၂၅၈ သၞာံဏံ လ္တူဍုၚ်မလေဝ်ယှာလေဝ် ကၠောန်သ္ပအာ ပန်ဒၞာဲ ပန်ဒေသ၊ ဒေသကေအေလ်(KL) ၊ဒေသနာ (NaKa) ၊ဒေသဗဳအာမ် (BM)၊ ဒေသပဳနန်(Penang) မဒှ်ရ၊ လ္ပါ်ဒေသဍုၚ်ဇၞော်ကွာလာလာမ်ဗူဂှ် ကၠောန်သ္ပအာလ္တူဘာခမဳသၚ်မန်တုဲ လၟိဟ်မၞိဟ်တိုန်စိုပ် ၉၀ တၠပြၚ်ၚ်နွံရောၚ် သာ်ဝွံလျိုၚ်ပဠေဝ်အသေဟာန်မွဲတၠ နာဲထောန်ထောန်ဟီုလဴထ္ၜးလဝ် ဂွံတီကေတ်ရ၊

Read More

ဂကူမန်နွံလ္တူဍုၚ်မလေဝ် စုတိအာမွဲတၠပၠန်ယျ

         

        ပ္ဍဲဒေသ အလာတ်သတာ (Alow Star) ကောန်မန်မွဲတၠ ကွဳလိုန်ဓါတ်ဗကာပ်တုဲ လမျီုဒးအိုတ်အာလ္တူရုၚ်ဂဥုဲ ပ္ဍဲစၟတ်တ္ၚဲ (၅/၀၅/၂၀၁၅) ဂှ် ဖုၚ်ကၠုၚ်နူရုၚ်ဂဥုဲ အလာတ်သတာ (Hospital Sultanah Bahiyah) တုဲ ကောန်ဂကူမန်မွဲတၠ မၞုံယၟု နာဲအဆာန် (MRO-၂၆၈၂၀) ဂှ် ရဲဗှ်ေတံဟာ ညးတာလျိုၚ်ရုၚ်ဂဥုဲ ကဵုနၚ်ပရိုၚ်ကဵုရုၚ်ဟံၚ်ပြာ်မန် ပ္ဍဲအခိၚ်သဝ်တ္ၚဲ ၃းဝဝ နာဍဳပြၚ်ၚ်ဂှ်ကီုရ၊ ညးတာလျိုၚ်ပရေၚ်ထတ်ယုက် နာဲထောန်ထောန် ဂွံဂၞန်ကာဒ်မန် ဂၠာဲရံၚ်ပ္ဍဲရုၚ်ကၠောန်ကာဒ်မန် ဂွံဂၞန်စက်ပ္ဍဲလိက်စရၚ် တုဲဆက်ဖုၚ်သၟာန်သ္ကံရဲ နာဲအဆာန် ဂွံတီကေတ် နာဲအဆာန်ကၠေံမံၚ် ၂,၃ တ္ၚဲ ဖုၚ်လေဝ်ဟွံကေတ်ဏာပုဟ်ဂှ် သ္ဂောံတီကေတ်ဇရေၚ် နာဲထောန်ဝေန် ကေုာံ ဒေံနာဲအဆာန်ကီုရ ၊ ညးတာလျိုၚ်ရုၚ်ဟံၚ်ပြာ်မန် ကဵုသမ္တီလဴဗ္စကဵုသ္ကံရဲနာဲအဆာန်တုဲ ညးတံအာရံၚ်ပ္ဍဲရုၚ်ဂဥုဲ သ္ဂောံတီကေတ်ဒၞာဲ အဆာန်ဝွံ နွံဒၟံၚ်လ္တူရုၚ်ဂဥုဲ ပ္ဍဲဗဒမ် (icu) သီုအကာ အရာဟွံခိုဟ်ပုဟ်ဂှ် ဂွံတီကေတ်နူသ္ကံရညးကီုရ အကြာ ၄ တ္ၚဲပၠန်ဂှ်မ္ဂး ဖုၚ်နူရုၚ်ဂဥုဲကလေၚ်ကၠုၚ်မွဲအလန်ပၠန်ဂှ် ညးတာလျိုၚ်ရုၚ်ဂဥုဲကဵုနၚ်ပရိုၚ် နာဲအဆာန်မွဲ လမျီုးအိုတ်အာပ္ဍဲအခိၚ် ၄းဝဝ နာဍဳပြၚ်ၚ် စၟတ်တ္ၚဲ ၉/၀၅/၂၀၁၅ ကီုရဂှ် သ္ဂောံတီကေတ်ရ ဗ္တံ ၁၂းဝဝ နာဍဳဂှ် ညးတာလျိုၚ်ရုၚ်ဟံၚ်ပြာ်မန် ၂ တၠ ဂစာန်စှ်ေအာအလာတ်သတာတုဲ ၁၀/၀၅/၂၀၁၅ ဂှ် ညးတာလျိုရုၚ်ဂဥုဲ တက်ကြာလဝ်ညးတာလျိုၚ်ဖျေံကမ္မဠာန် ကေုာံ ဆဵုဂဗကဵုဗၠာဲသၟိၚ်ကိစ္စကွဳလိုန်ဓါတ် တုဲ ဟိုတ်နာဲအဆာန်ချိုတ်အာကီု သီုကွဳလိုန်ဓါတ်လေဝ်ဟွံညာတ် ဗီုလဵုသ္ဂောံကၠေံအာဂှ်လေဝ်လဴထ္ၜမ်ကဵု ဗၠာဲသၟိၚ် (Traffic police) တံ အတိုၚ်မွဲတ္ၚဲအခိၚ်အိုတ်အာကီုရ၊ အတိုၚ်သၞေဝ်ရုၚ်ဟံၚ်ပြာ်မန် အခေါၚ်ဂွံဒုၚ်စသိုၚ် သွက်ကောန်ဂကူမွဲဂှ် ညးတာလျိုၚ်ရုၚ်ဟံၚ်ပြာ်မန် ရေၚ်တၠုၚ်ကဵုဍိုက်က်ပေၚ်ၚ် သီုထံက်ပၚ်ကဵု ၃၀% ကီု သွက်နာဲအဆာန်ဂှ် ရုၚ်ဟံၚ်ပြာ်မန်ထံက်ပၚ်အာ RM 2,000 ကေုာံ သွက်ဖျေံကမ္မဠာန်ဂှ် RM 1,500 ပ္ဍဲစၟတ်တ္ၚဲ ၁၁/၀၅/၂၀၁၅ ဂှ် ဖျေံကမ္မဠာန် ပ္ဍဲဒၞာဲ ကြက်ဂှ်တုဲ သီုဂွံကော်ဘိတ်သၚ်ၜါတၠ နူဘာ B.M ဗြောတ်ပေတ်ကီုရ၊ ရဲနာဲအဆာန်လေဝ် ပတိုန်ဒၟံၚ်ရုၚ်ဂဥုဲ နကဵုဒးဒုၚ်လဝ်ဝပ်ပ္ဍဲက္ဍိုပ်တုဲ ဆက်တိုန်မံၚ် ရုၚ်ဂဥုဲမတီကေတ်ရ ပ္ဍဲကာဒ်မန်ဂှ်ဂၞန်စက်ရုၚ်ဟံၚ်ပြာ်မန် ဌာနရုၚ်ဟံၚ်ပြာ်မန်လေဝ် မၞုံဒၟံၚ် ဍိုက်က်ပေၚ်ၚ်တုဲ ယဝ်ရဆဵုဂဗကဵုဘဲဝပ်ဇၞော်ဇၞော်မွဲမွဲမ္ဂး သွက်သ္ဂောံကေတ်အဆက်ညးမွဲ ကေုာံ ညးမွဲမဒှ်ရ ပ္ဍဲစၟတ်တ္ၚဲ 3/05/2015  နာဲအဆာန် ကေုာံ နာဲရတ်ဆာန် ရဲဆာန်တံညးၜါ ဟွံကဵုသမ္တီကဵုသ္ကံရဲမွဲသာ် တိတ်အာနူသ္ၚိ ဟီုအရေဝ်လေဝ်ဟွံပါဏာပုဟ်ဂှ် ဂွံတီကေတ်ရ၊

Read More

အဝ်ပရာဇြဳ(OPS) လဒေါဝ်ဍုၚ် ကေအေလ် ကောန်ဍုၚ်ဗၟာပါလုပ် ၆၀ တၠ ဒးဒုၚ်ရပ်

               အဝ်ပရာဇြဳ(OPS) လဒေါဝ်ဍုၚ် ကေအေလ်     ကောန်ဍုၚ်ဗၟာပါလုပ်  ၆၀ တၠ ဒးဒုၚ်ရပ်

အဝ်ပရာဇြဳ  (OPS) ကော်ဂကောံပံၚ်ကောံဗက်ရပ်သၟာကမၠောန် ပဆုဲပြံၚ်ကၟိန်ဍုၚ်မလေဝ်ယှာဝွံ ပ္ဍဲစၟတ်တ္ၚဲ 11/01/2015
လဒေါဝ်တ္ၚဲ ၁၂းဝဝ နာဍဳ စဵုကဵုစိုပ် ၃းဝဝ နာဍဳပြၚ်ၚ်၊ အရာပ်ဆေၚ်ဖျာဗၟာနွံ ဂတမုက် My Din နူဂကောံ Massive Dragnet (ကော်) ဂကောံဗက်ရပ်မၞိဟ်ကၠတ်မံၚ်ဍုၚ်မ္ၚး နကဵုဇြဟတ်ဇၞော်ဇၞော်စၟတ်ကၠုၚ်လဝ်တုဲ ပ္ဍဲဂကောံဂှ်ဝွံ ဗၠာဲသၟိၚ်၊ ဂကောံသဳပေန်၊ နကဵုလဝက
ညးစၟဳစၟတ်သမ္တီကၟိန်ဍုၚ် ဇြဟတ် ၁၀၀  ပြၚ်ၚ်ပါလုပ်တုဲ၊ မၞိဟ်ဒးရပ် ပဍိုက်လဝ်ကဵုကွဳစက် ၁၀ ဖ္ဍိုက်ပြၚ်ၚ် ဗက်ဂၠာဲစၟဳစၟတ်တံဂှ် အသဝ်တ္ၚဲဏံ ဌာနဗလးရုပ်ဒမျိုၚ် ကၟိန်ဍုၚ်မလေဝ်ယှာ ကေုာံ   ဂတမုက်အန်လာၚ် အေန်တာနက်လေဝ် ပ္တိတ်လဝ်ပရိုၚ်ပေၚ်ၚ်ရောၚ်ဂွံတီကေတ်ရ၊ စပ်ကဵု Massive Dragent Operahon အဝ်ပရာဇြဳ (OPS) ကၟိန်ဍုၚ်မလေဝ်ယှာဏံဝွံ ကော် Eiolden Traingle
စၟတ်လဝ်သွာၚ် ဒၞာဲဆေၚ်ဖျာဗၟာ၊ ဘၚ်္ဂလာ၊ နဳပဝ် ကောန်ဍုၚ်မ္ၚးနွံဂၠိုၚ်အိုတ် ကိုဝ်တာရာယာ၊ မိုၚ်ဒေန်ဂှ် လၟိဟ်မၞိဟ် ၁၁၉၈ တၠ ဒးဒုၚ်ရပ်တုဲ ဖဍိုက်ဏာကဵုကွဳစက်မဒှ်ကီုရ၊ ပ္ဍဲလၟိဟ်မၞိဟ် ၁၁၉၈ တၠဝွံ ညးနွံကဵုလိက်အုပ် ညးနွံကဵုကာဒ်တံ ၉၀၀ တၠပြၚ်ၚ်ဂှ် ပ္ဍဲအ
ခိၚ်သဝ်တ္ၚဲ ဗၠးတိတ်ကၠုၚ်တုဲ ညးဟွံမွဲကဵုစၟတ်သမ္တီမွဲမွဲသာ် ညးရပ်ကါဒ်ဗ္တောံ ၂၁၅ တၠဂှ်တှေ်  ထိၚ်ဒဝ်လဝ်သီုဖအိုတ်ရောၚ်၊ ပ္ဍဲကဵု
ပရိုၚ်တ္ၚဲဏံ ထ္မံက်ထ္ၜးလဝ်ချိုတ်တ်ပၠိုတ်တ်ရောၚ်၊ စပ်ကဵုပရေၚ်ပံၚ်ကောံရပ်အဝ်ပရာဇြဳ (OPS)ဝွံ က္ဍိုပ်သ္ကိုပ်နူရုၚ်ဗၠာဲသၟိၚ် Dang
Wahgi Zainol Samah သောၚ်ထ္ၜးလဝ်ဂှ်……
(၁) ညးကဵုလဝ်ပရိုၚ် ပ္ဍဲရုၚ်ဗၠာဲသၟိၚ်တေံ ပြသနာကောန်ဍုၚ်သၟာၚ် ညးဟွံမွဲကဵုစၟတ်တံဂၠိုၚ်ဒၟံၚ်ဂှ်
(၂) ပ္ဍဲလဒေါဝ်ဍုၚ်ဇၞော် ခၟိက်ပြးဒၟံၚ်ဂှ် ကောန်ဍုၚ်သၟာၚ်တံဟွံထိၚ်ဒက်သၞောဝ် ဟွံပဂရု (ဟွံပကာ)
(၃) လၟိဟ်မၞိဟ်ကောန်ဍုၚ်သၟာၚ်လေဝ် ဂၠိုၚ်လောန်ကၠုၚ်တုဲ ဂီုကၠီုကောန်ဂကူမလေဝ်တံ နွံပၟိက်ဒးသောၚ်ကလးကဵုနွံတုဲ ပိုဲဗက်
ရပ်သီထောံရောၚ် သောၚ်ထ္ၜးလဝ်နွံရ။
 ပ္ဍဲဂကောံပံၚ်ကောံအဝ်ပရာဇြဳ (OPS)ဝွံ ဗၠာဲသၟိၚ် ၁၇၆ တၠ၊ ညးတာလျိုၚ်သဳပေန် ရ တၠ၊
လဝက ၁၃ တၠပါလုပ်တုဲ၊ My Din, Kotaraya, Jala Tun, H.SLEE, Jalan Silang, KLCentral Market, Masjid Jamek
ဗ္ဒာဲဗ္ဒာဲသၞေဟ်ကွဳပၟတ်တံ ကၟာတ်ဂၠံၚ်တုဲဗက်ရပ်အာရ၊ အခိၚ်ရပ်ဝွံ မၞိဟ်ညးရပ်လဝ်ဍာံဟွံဍာံဂှ် ဒၞာဲသွက်ဂွံစၟတ်ဂှ် ဒှ်တၚ်အခက်
ခုဲတုဲ၊ ရပ်ဏာသီုဖအိုတ် အာစၟဳစၟတ်ပ္ဍဲရုၚ် DBKL တေံတုဲ  ညးနွံဍာံစၟတ်ဂှ်တှေ် ပိုဲကလေၚ်ဗၠးဖျဴဏာ သီု်ဖအိုတ်ရောၚ်ဂွံတီ
ကေတ်ရ၊ သှ်ၜေက်နူဂှ် ညးဟွံမွဲကဵုစၟတ်မွဲသာ် ၂၁၅  တၠဝွံ ထိၚ်ဒဝ်လဝ်တုဲ၊ ပ္ဍဲဂှ်  ကောန်ဗၟာ ၆၀တၠ၊ နဳပဝ် ၁၂၀ တၠ၊ လၟိဟ်ဂၠိုၚ်
အိုတ်ပါလုပ်တုဲ၊ သှေ် ၃၅ တၠ ဂှ်တှေ် ကောန်ဍုၚ်ဘၚ်္ဂလာ၊ အေန်ဒဳု၊ ပါကေတ်သတာန်၊ ဖိလေတ်ပိုၚ် ကေုာံ အိန္ဒိယတံပါလုပ်
ရောၚ်၊ ပ္ဍဲကဵုပရိုၚ်တ္ၚဲဏံ ထံ္မံက်ထ္ၜးလဝ်တုဲ နကဵုစရၚ်ချိုတ်တ်ပၠိုတ်တ်ပ္တိုန်ထ္ၜးလဝ်ရောၚ်၊ နကဵုဂကောံကောန်ဍုၚ်ဗၟာ စိုပ်မလေဝ်
ယှာတံ ပကောံပကေဝ်ပ္တိုန်ထ္ၜးလဝ်ရောၚ်။

ဌာန်ပရိုၚ် - FB
လိုက်ပိုဲ

Read More