သွက်ဂွံက္လိဂွံကသပ် ကေုာံဆန္ဒညးဍုၚ်ကွာန်တံဂးတုဲ ပ္ဍဲစၟတ်တ္ၚဲ ၂၃ ဂိတုမာတ်ချ် ၂၀၁၄ ပ္ဍဲအခိၚ် ၁၂ နာဍဳလ္ဒောဝ်တ္ၚဲဂှ် စပ်ကဵုကိစ္စရုဲမာဲ ညးတာလျိုၚ်တၟိဂှ်တုဲ ကၠောန်သ္ပဏာ ပေဲါကောံဓရီုဇၞော် ပ္ဍဲလ္တူရုၚ်ဟံၚ်ြပာ်မန် မၞုံပ္ဍဲလ္တူဍုၚ်ဇၞော်ကွာလာလာမ်ပူဂှ်ရ။ ပ္ဍဲကဵုပေဲါကောံဓရီုဇၞော်ဝွံ ဂအုပ်ရုၚ်ဟံၚ်ြပာ်မန် နာဲကယျိုၚ်မန် ရေၚ်တၠုၚ်ဏာနဒဒှ်သ္ကိုပ်အသေဟာန်တုဲ က္ဍိုပ်သ္ကိုပ်ဂကောံကွာန်နာနာ ကေုာံ ပူရိသာတ်ညးမဆာန်ဂကူတံ ဗၞတ်ၜိုတ် ၄၀တၠ တိုန်စိုပ်ကဵုဇြဟတ်အိုတ်ရ။ ပ္ဍဲဂှ် ဥက္ကဋ္ဌဂကောံဟံၚ်ြပာ်မန် နာဲသာၚ်ဝဏ္ဏ သောၚ်က္လးဏာကဵုသၞောဝ်သၞောတ်ပေဲါရုဲမာဲၜါသၞာံမွဲဝါ ကေုာံတၚ်ဆဵုဂဗစပ်ကဵုပေဲါရုဲမာဲတုဲ ညးအုပ်ကာနာနာ နာဲဇၟန်ရတ်လေဝ် ဒုၚ်စဳရေၚ်ကဵုလၟေၚ်ကမၠောန်ပွိုၚ်ၜါသၞာံဂှ် ဗွဲခမၞောန်ရ။ ပ္ဍဲကဵုကဏ္ဍချပ်သဳကၠဳ စပ်ကဵုကၠောန်ဗဒှ်ကေတ်ပေဲါရုဲမာဲဟာ ဟွံသေၚ်မ္ဂး ဒၞာဲမၞိဟ်ယအ်တံဂှ်ဟေၚ် ရုဲဗပေၚ်စုတ်ဟာဂှ် က္လိဂွံတၚ်တုပ်စိုတ် နူရမျာၚ်ညးဍုၚ်ကွာန်တံ နွံပၟိက်ကဵုကၠောန်ဗဒှ်ပေဲါရုဲမာဲဂှ်ဂၠိုၚ်ဂှ်ရ မွဲအဆက်ဓဝ် ဒက်ပ္တန်ဏာ ကမ္မရှေန်သွက်ဂွံကၠောန်ဗဒှ်အာပေဲါရုဲမာဲဂှ် ဗၞတ် ၅-တၠရ။ ပ္ဍဲဂှ် (၁) တၠဂုဏ်အ္စာကောဝိဒ၊ (၂) နာဲအီဆာဲ၊ (၃) နာဲမြဟ်စိုတ်၊ (၄) နာဲဂံၚ်သ္ကာ၊ (၅) နာဲကောန်တၠမန် တံမဒှ်ရ။ အတိုၚ်သ္ဂုတ်သွာတ် နူဂကောံကမ္မရှေန်တံဂှ် ပေဲါရုဲမာဲဂကောံဟံၚ်ြပာ်မန်ဝွံ ကၠောန်ဗဒှ်အာ ပ္ဍဲစၟတ်တ္ၚဲ ၂၀ ဂိတု ဨပရေဝ် ၂၀၁၄ အခိၚ် ၁-နာဍဳတ္ၚဲစေၚ် ပ္ဍဲဒၞာဲဘာလကျာ်မန် ပူတူ လ္တူဍုၚ်ဇၞော်ကွာလာလာမ်ပူဂှ်ရောၚ်။
0 comments:
Post a Comment