တၚ်ထေက်ကဵုသ္ဒးတီ ကုညးကၠုၚ်ကၠောန်လိက်ထံက်ဂလာန်ဂမၠိုၚ်
လိက်ကသုက်သ္ပမ္ၚဵုထပ်တဲ + လိက်ထံက်ဂလာန် | ၚုဟ်မး - 70+30 = RM100 |
(သွက်ဂွံထ္ပက်စၟတ်တဲဂှ် တၠသ္ၚိကေုာံသမ္ဘာ သ္ဒးကၠုၚ်ရုၚ်ဟံၚ်ပြာ်မန် သီုညးၜါတၠရောၚ်။)
လိက်ထံက်ဂလာန်ဂကူဏံဂှ် ဒှ်သွက်ညးမက္လိဂွံလဝ်ကာဒ် UNHCR တုဲတုဲ သ္ပမ္ၚဵုထပ်တဲကုညးဟွံမွဲကဵုကာဒ် UNHCR တုဲ တၞဟ်နပၠောပ်စုတ်စရၚ်ပ္ဍဲ UNHCR မာန် ထေက်ကဵုသ္ဒးကၠောန်လိက်ဏံရောၚ်။ ဂွံကၠောန်လိက်ဏံမာန်ဂှ် လ္ပာ်ညးမွဲကရေက်ဂှ် သ္ဒးနွံကဵုကာဒ် UNHCR တုဲ လ္ပာ်ညးမွဲကရေက်ဂှ် သ္ဒးနွံကဵုကာဒ်မန်ရောၚ်။ ယဝ်သမ္ဘာ/တၠသ္ၚိဇကု ဒှ်မံၚ်ဂကူမန်ဟွံသေၚ်မ္ဂး ပ္ဍဲသမ္ဘာ/တၠသ္ၚိဇကုဂှ် ကာဒ်ဂကောံဆေၚ်စပ်ကဵုဂကူညးတံ သ္ဒးနွံရောၚ်။
လိက်ထံက်ဂလာန် ကောဒေံ/ကောန်ဇာတ်/သမ္ဘာ/တၠသ္ၚိစိုပ် | ၚုဟ်မး - RM30 |
(ဟွံဒးထ္ပက်စၟတ်တဲမွဲသာ်တုဲ ကၠုၚ်ညးမွဲတၠဓဝ်လေဝ် ရုမ်ဂပ်မံၚ်ရ။)
လိက်ထံက်ဂလာန်ဂကူဏံဂှ် ဒှ်သွက်ညးစုတ်လဝ် ကောဒေံ/ကောန်ဇာတ်/သမ္ဘာ/တၠသ္ၚိ အခိၚ်ဇကုသွဟ်လဝ် ယူအေန်တေံတုဲ ကောဒေံ/ကောန်ဇာတ်/သမ္ဘာ/တၠသ္ၚိဇကု ကၠုၚ်စိုပ်ဍုၚ်ဏံတုဲ တၞဟ်နဂွံပ္တိုန်စရၚ်ကဵုယူအေန်မာန် မ္ဒးကၠောန်လိက်ထံက်ဂလာန်ဏံရ။ ဂွံကၠောန်လိက်ဏံမာန်ဂှ် ပ္ဍဲဇကုကာဒ် UNHCR သ္ဒးနွံတုဲ ပ္ဍဲ ကောဒေံ/ကောန်ဇာတ်/သမ္ဘာ/တၠသ္ၚိဇကုဂှ်လေဝ် သ္ဒးနွံကဵုကာဒ်မန်ရောၚ်။ ကောဒေံ/ကောန်ဇာတ်ဇကုဂှ် သ္ဒးဒှ်သၟဝ်အာယုက် ၁၈ ဟေၚ် စုတ်ပၠောပ်စရၚ်မာန်ရောၚ်။
လိက်ထံက်ဂလာန် ဒဒှ်ကောန်ဂကောံဟံၚ်ပြာ်မန်ဍာံစၟတ် | ၚုဟ်မး - RM30 |
(ဟွံဒးထ္ပက်စၟတ်တဲမွဲသာ်တုဲ နအလဵုဇကုကဵုဒှ် မၞိဟ်စၞးကဵုဒှ် ကၠုၚ်ကၠောန်မာန်ရ။)
လိက်ထံက်ဂလာန်ဂကူဏံဂှ်
ဒှ်သွက်ညးရပ်လဝ်ကာဒ်ဟံၚ်ြပာ်မန် ဒးဒုၚ်ရပ်ကဵုဗၠာဲသၟိၚ် စိုပ်အာဌာနဍေံတံတုဲ ကာလဍေံဂၠိုက်ဂၠာဲစၟဳစၟတ် ဍေံစကာကဵုကေတ်လိက်ထံက်ဂလာန်နူရုၚ်ဟံၚ်ြပာ်မန်မ္ဂး ဗလးနၚ်မၞိဟ်စၞးတုဲ ကၠုၚ်ကၠောန်လိက်ဏံမာန်ရ။ လဆောဝ်မ္ဂး ညးမရပ်လဝ်ကာဒ်ဟံၚ်ြပာ်မန်တံ နွံပၟိက်ကၠောန်ကမၠောန် ပ္ဍဲဒၞာဲမွဲမွဲဂှ် ဟိုတ်နူဇကုရပ်လဝ်ကာဒ်မန်တုဲ သေဌဳတၠကမၠောန်တံဟွံဒုၚ်တဲ ဍေံစကာကဵုကေတ်လိက်ထံက်ဂလာန်မ္ဂး နအလဵုဇကုကၠုၚ်တုဲ ကၠောန်ကေတ်လိက်ဏံမာန်ရ။ ပ္ဍဲအရာကိစ္စတၞဟ်ဟ် မၞုံတၠုၚ်လအာတုပ်ကဵုကိစ္စတံဏံလေဝ် လဴထ္ၜးဟိုတ်ဖဵုကုညးတာလျိုၚ်ရုၚ်ဟံၚ်ြပာ်မန်တံတုဲ ဗွဲမဗဗွဲကဵုကိစ္စဇကုဂှ် ညးတံရေၚ်တၠုၚ်ကၠောန်အာကဵု လိက်ထံက်ဂလာန်ဝွံရောၚ်။
