ညးမစုတိအာၜါတၠဝွံ မၞုံယၟု နာဲအတူ အာယုက် ၂၉ သၞာံ ဇါတိကွာန်ဝါဘာ ပွိုၚ်ဍုၚ်လၟိုၚ် ကေုာံ နာဲမန်ဆာန် အာယုက် ၂၆ သၞာံ ဇါတိကွာန်ဒဵုကြေၚ် ပွိုၚ်ဍုၚ်လၟိုၚ် မဒှ်ကောန်ဗၠာဲ နာဲအေ မိကဴဝဴမဒှ်ရ။
နာဲအတူဂှ် ကၠောန်ဒၟံၚ်ကမၠောန်သိုၚ်သ္ၚိတိုက် ဒေသ ကေပလာပါတာ်(Kepala Batas) နာဲမန်ဆာန်ဂှ် ကၠောန်ဒၟံၚ်ကမၠောန် ရုၚ်စက်ဆု ကာန်ပေါဝ်သရမာတ် ဂၠံၚ် ၁၀ (Kampung Selamat jalan 10) မဒှ်တုဲ ပ္ဍဲစၟတ်တ္ၚဲ 31.08.2014 အခိၚ်နူဂယး ၁၀းဝဝ နာဍဳပြၚ်ၚ်ဂှ် ဒှ်လေဝ်ဒှ်တ္ၚဲမာတိကာကီုတုဲ သွက်ဂွံအာဝေၚ်သ္ၚိသ္ကံရဲဂးတုဲ နာဲအတူ အာတ်ဏာကွဳလိုန်ဓါတ် နာဲအံၚ်ဇၞး(သဵုမျေတ်) စိုပ်အာလ္ပာ်ဒၞာဲနာဲမန်ဆာန် ကာန်ပေါဝ်သရမာတ်တေံရ။
ပ္ဍဲတ္ၚဲဝွံရ အပ္ဍဲအခိၚ်သဝ်တ္ၚဲ ၈းဝဝ နာဍဳပြၚ်ၚ်ဂှ် နာဲမန်ဆာန်လေဝ် ကလေၚ်ဗက်အာဝေၚ်ကရောံနာဲအတူပၠန်ရ လအ်အာပွိုၚ်မွဲနာဍဳပြၚ်ၚ်တုဲ ကေတ်အဆက်ကဵုညးတအ်မၞိဟ်ၜါဟွံဂွံတုဲ သီုၜါလ္ပာ်ဒှ်ကၠုၚ်ဓဝိၚ်အိုတ်ရ -တ္ၚဲယးဂှ်မှ နာဲအံၚ်ဇၞး ကလေၚ်ဂၠိုက်ဂၠာဲစိုပ်အာရုၚ်ဗၠာဲသၟိၚ်သ္ကုတ်ဒေသ( Kepala Batas)တေံတုဲ ဗၠာဲသၟိၚ်တအ်ပံက်ထ္ၜးကဵုရုပ်ကွဳစက်ဇီုကပိုက်လဝ်တုဲ လမျီုအိုတ်သီုမၞိဟ်ၜါ စိုပ်ဒၟံၚ်ရုၚ်ဂဥုဲ (Kepala Batas)ဂွံတီကေတ်ရ။
သွက်ဂွံဖျေံကမ္မဌာန် နာဲအတူကဵုနာဲမန်ဆာန်ဂှ် နူညးတအ်ဟွံကေၚ်ဆဵုဂဗ ဒှ်ခက်ခုဲတုဲ ကလေၚ်ကဵုနၚ်ပရိုၚ်ဂကောံဟံၚ်ပြာ်မန် အာတ်အရီုဗၚ်သွက်ဂွံပ္တိတ်ဇွဂှ် နာဲကယျိုၚ်မန်ကေုာံမာံဂံၚ်ဇါနဲ သီုနာဲသုဇန်တအ်ပိတၠ နကဵုဇြဟတ်သြန်ထံက်ပၚ် ဇြဟတ်ကာယဍိုက်က်ပေၚ်ၚ် ပွိုၚ် ၄ တ္ၚဲ စှေ်ဘိုၚ်ရေၚ်တၠုၚ်ကီုတုဲ စၟတ်တ္ၚဲ 09.09.2014 အခိၚ်လဒေါဝ်တ္ၚဲ ၁းဝဝ နာဍဳပြၚ်ၚ်ဂှ် နကဵုအခိုက်ကၞာမန် က္ညနိမန်ခမဳသၚ် ဖျေံအာကမ္မဌာန် ဇရေၚ်ဘာမန်ပါရာတ်ပေတ် မဒှ်ရ။
0 comments:
Post a Comment