CaSi သွက်ဂွံရံၚ်က္ဆံၚ်ဇကု ပ္ဍဲ Online

ကောန်ညးဒှ်ဒဒိုက်ဍုၚ်မလေဝ်ယှာ ရပ်လဝ်ကာဒ် UN တံ စပ်ကဵုဒးသၟာန်သၟုက် ပ္ဍဲဌာန RSC ဒဒှ်က္ဆံၚ်ဇကုစိုပ်မံၚ်ဒၞာဲလဵုဂှ် ညံၚ်ဟွံဂွံဒးအာကေတ်နအလဵုမၞိဟ် မွဲနှမွဲနှ စပ်ကဵုကိစ္စသၟာန်သၟုက်ဂှ် ညံၚ်ဂွံက္လိတ်က္လောတ်ညိဂးတုဲ နူဌာန RSC တေံ ပ္တိုန်လဝ်ကဵု Website မွဲရ။ ပ္ဍဲ Website ဝွံ ဂွံပံက်ကျောဝ်အကာဲအရာ ဇကုက္ဆံၚ်ဇကုမာန်ဂှ် သ္ဒးသုၚ်စောဲ ဂၞန် MY (case number) ကေုာံ ဂၞန်ပၞုက်ဓလုက် (password) ဇကုရ။ ညးသ္ပ interview အခိၚ်လၟုဟ်တံ အာတ်ကေတ် password ဇကုမာန်တုဲ သွက်ညးတြေံတံလေဝ် ယဝ်နွံပၟိက် password ကီုမ္ဂး နကဵုဖုၚ်ကဵုဒှ် နကဵု email ကဵုဒှ် အာတ်ကေတ်နူဌာန RSC (OPE) တေံမာန်ရ။ ပ္ဍဲ Website ဝွံ ရံၚ်စၟတ်တ္ၚဲ ဇကုဒးသ္ပ interview ကီု၊ စၟတ်တ္ၚဲကေုာံက္ဆံၚ်ဇကုသ္ပလဝ် interview တုဲတံကီု၊ File ဇကုစိုပ်မံၚ်အလဵုကီု၊ စပ်ကဵုဇကုတုဲ ဍေံတံကၠောန်ဂွံက္ဆံၚ်လဵုကီု မပ္တံသာ်တံဏံ ကျောဝ်ရံၚ်ကေတ်မာန်ရ။ စၞးဒးပ္တိုန်လိက် မိက်ဂွံသၟာန်မွဲမွဲတံဂှ် သၟာန်ကေတ်ပ္ဍဲ Website ဏံမာန်တုဲ ကိစ္စလှာဲဂၞန်ဖုၚ်ကီု၊ ဂွံဗြဴကီု၊ ပြးကဵုဗြဴကီု၊ ဂွံကောန်ဇာတ်ကီု လဴပ္တိုန်ထ္ၜး ကေတ် ပ္ဍဲ Website ဏံမာန်ရ။ တန်တဴကဵုပုစ္ဆာဇကုသၟာန်လဝ်ကီု တန်တဴကဵုဇကုပ္တိုန်ထ္ၜးလဝ်မွဲမွဲတံကီုဂှ် ပ္ဍဲအပ္ဍဲပွိုၚ် ၁၄ တ္ၚဲဟေၚ် ညးတံက္လေၚ်ပလံၚ်နၚ်လိက်ကဵုဇကုရောၚ်။ တုဲပၠန် ကိစ္စအပြံၚ်လှာဲ စပ်ကဵုပရေၚ်စၠောံဍုၚ် အမေရိကာန်ဂှ်လေဝ် ဗှ်ကေတ်နူ Website ဏံမာန်ရ။

Website : https://casi.rescue.org/
Email : klinquiries@rescue.org/