အသေဟာန်တ္ၚဲညးဗြဴမန် သၞာံ ၂၀၁၄ ဝွံ ကၠောန်ဗဒှ်ဏါ လ္တူဍုၚ်ဇၞော်ကွာလာလာမ်ပူ ပ္ဍဲဘာလကျာ်မန် အရာပ်ပူတူ ပ္ဍဲစၟတ်တ္ၚဲ ၁၂ ဂိတုမာတ် (ချ်) သၞာံ ၂၀၁၄ ဂှ်ရောၚ် ဂွံတီကေတ်ရ။ ပ္ဍဲအသေဟာန်ဝွံ ကျာ်ဇၞော်အ္စာထာဝရ၊ တၠဂုဏ်ကောဝိဒ၊ နာဲသာၚ်ဝဏ္ဏ၊ နာဲဥက္ကာ၊ နာဲရာမညအီဆာဲ၊ မိမျေတ်တ်ၚိုဲတအ် ရေၚ်တၠုၚ်ဏါ နဒဒှ်သဘာပတိတုဲ မိသိုက်ဉာဏ်ဂှ် ရေၚ်တၠုၚ်ဏါ နဒဒှ်လျိုၚ်အသေဟာန်ရ။ လဒေါဝ်တ္ၚဲ ၁:၁၅ နာဍဳဂှ် စပံက်ဏာအသေဟာန်တုဲ ကျာ်ဇၞော်အ္စာထာဝရ (နွံပိုန်ဘာမန်ဟူတာန်မိလေန်တာန်) ဟီုမြော်ဏာဂလာန်၊ ဥက္ကဋ္ဌဂကောံညးဗြဴမန် မိမျေတ်တ်ၚိုဲ ဟီုဏာဂလာန်တုဲ စၞးဂကောံဟံၚ်ပြာ်မန် နာဲကယျိုၚ်မန် ဟီုဂလာန်၊ မိစန္ဒာအံၚ်(ကွးဘာ MRCEC) ဗှ်ထ္ၜးလိက်လလောၚ်တြး ဂကောံညးဗြဴမန်၊ ဖက်ဆောညးအုပ်ကာ MMA နာဲရာမညအီဆာဲ ဟီုဂလာန်၊ မိယေန်ထဝ်(ဇာတိကအ်ဍောတ်) ဗှ်ထ္ၜးဏာဝၚ်ဨကရာဇ်ဗြဴ မိစဴဗုရ။ ပ္ဍဲရမျာၚ်ပံက်သြိုဟ်ညးဗြဴမန်ဂှ် နာဲထဝ်၊ မိလွဳအိန်ရဳတအ် ပံက်ဏာသြိုဟ်တုဲ ဥက္ကဋ္ဌဂကောံသၟတ်မန် တိဍာ်ဗၠးၜး သ္ကုတ်မလေဝ်ယှာ နာဲဥက္ကာ ဟီုဂလာန်အုပ်ကၠေံနိဂီုရ။ ကြဴနူဂှ် ရုပ်ကၠေံအသေဟာန် နကဵုဒွက်ကောန်ဂကူတုဲ ညးဗြဴဆာန်ဂကူ ညးတြုံဆာန်ဂကူမန် ဗၞတ်(၄၀)တၠပြၚ်ၚ် တိုန်စိုပ်လဝ်ရောၚ်။ မွဲအဆက်ဓဝ် သီုကၠောန်ဗဒှ်ဏာ ပေါဲရုဲမာဲ ဂကောံညးဗြဴမန် ဍုၚ်မလေဝ်ယှာတုဲ မိယေန်အေ(ဇာတိကွာန်ခေါဇာ)ဂှ် ဥက္ကဋ္ဌ၊ မိၚာလေဝ်ဂှ် ဒုဥက္ကဌ၊ မိနန္ဒာဂှ် ညးအုပ်ကာ၊ မိသိုက်ဆာန်ဂှ် ဖက်ဆောညးအုပ်ကာ ရုဲစှ်ပ္တိုန်ဏာတုဲ မိတေန်မန်၊ မိချဵုဝေန်တံလေဝ် ပါလုပ် နဒဒှ်ကမ္မတဳကေၚ်ကာရောၚ် ဂွံတီကေတ်ရ။
ဗီုရုပ်ချဳဒရာၚ်တံဂှ် ဗဵုကေတ် ဒၞာဲဏံ ညိ။
0 comments:
Post a Comment