ပ္ဍဲသၞာံ ၂၀၁၄ ဏံ သမ္မတဍုၚ်အမေရိကာန် ဗာရက်ခ်အဝ်ပါမာ ဖျေံဏာသ္ဂုတ်သွာတ် သွက်ဂွံဒုၚ်တဲကောန်ညးဒှ်ဒဒိုက် လၟိဟ် ၇၀၀၀၀ ရောၚ်။ ပ္ဍဲလိက်သမ္တီညးအုပ်ကာ မၞုံယၟုဂျောန်ဂါရဳ တ္ၚဲဗုဒ္ဓဝါဂှ် "တၚ်ဖျေံသ္ဂုတ်သွာတ် မဆေၚ်စပ်ကဵုဂကောံရီုဗၚ်မၞိဟ်တံဂှ် စှေ်မံၚ်ဗဗွဲဓဝ်ရ၊ တုဲပၠန် ဂုဏ်ဖဵုသွက်ဍုၚ်လေဝ်ဒှ်" သာ်ဝွံ သမ္မတအဝ်ပါမာဟီုရ။ နကဵုမၞိဟ်စၞးရီုဗၚ်ဖျေံဒၞာဲသ္ဇိုၚ် သွက်ကောန်ညးဒှ်ဒဒိုက်တံ နူကဵုဌာနဝန်ဇၞော် ဂကောံကၟိန်ဍုၚ်အမေရိကာန်တံ သွက်မၞိဟ်ညးမပါလုပ်ပ္ဍဲဂကောံတံဏံ ဂွံကၠိုဟ်ကေတ်အာဂှ် ထမံက်ထ္ၜးပ္တိုန်လဝ်ရ။ လိက်သမ္တီထမံက်ထ္ၜးလဝ်ဏံဂှ် ဒှ်ကမၠောန်ဆေၚ်စပ်ကဵုဂ ကောံညးရီုဗၚ်မၞိဟ်တံ ဗွဲတၟေၚ်သွက်ကောန်ညးဒှ်ဒဒိုက်တံ ဂွံဖျေံဒၞာဲဝဲါပ္ဍဲဍုၚ်အမေရိကာန်ရ။ အတိုၚ်လၟေၚ်ကမၠောန်ဗွဲသၟဝ်မကဵုလဝ်လၟိဟ်မၞိဟ်ကောန်ဒှ်ဒဒိုက် ကေုာံ ဂၠးတိုက်ဂမၠိုၚ်- နူကဵုတိုက်အာဖရိကဂှ် လၟိဟ်မၞိဟ် ၁၅၀၀၀၊ နူကဵုတိုက်အာရှဗၟံက်ဂှ် ၁၄၀၀၀၊ နူကဵုတိုက်ယူရောပ် ကေုာံအာရှလ္ဒောဝ်ဂှ် ၁၀၀၀၊ နူကဵုခါရိပ်ဗိန် ကေုာံ လာတ်တေန်အမေရိကဂှ် ၅၀၀၀၊ နူကဵုဗ္ဒာဲဗၟံက်ကဵုသၠုၚ်ကျာအာရှဂှ် ၃၃၀၀၀ တုဲ နူဒိုဟ်ဟွံပြာကတ်တံ လၟိဟ်မၞိဟ် ၂၀၀၀ မဒှ်ရ။
အတိုၚ်လိက်သမ္တီဏံဂှ် သမ္မတဍုၚ်အမေရိကာန် ကဵုဏာအခေါၚ် စှေ်ကဵုသဘဴဓဝ် ဒၞာဲဒေသပယျဵုဒၞက်လၟိဟ်မၞိဟ်တံ ဒဒှ်ဒဒိုက်ဌာန်ဒၟံၚ်ဟွံမွဲတံဏံဂှ် ဒှ်ဒၞာဲဒေသနွံပၟိက်ဒးထပ်ဗပေၚ်ဟလိုၚ်ပတိုန်လၟိဟ်မၞိဟ်တံဏောၚ် သာ်ဝွံ လလောၚ်တြးပ္တိတ်ဏာ နူကဵုဂကောံကမ္မတဳသၞောဝ်ဓဝ်ကွန်ကရာတ်စ်တံရ။ ပ္ဍဲကဵုလၟိဟ်မၞိဟ်မခန်ကၞာတ်လဝ်တံဝွံ လၟိဟ်မၞိဟ်ၜိုတ် ၂၀၀၀ ဂှ် သ္ဒးဒှ်ကောန်ဍုၚ်သဳရိယျာမာန်ရောၚ် သာ်ဝွံ ညးတံချိၚ်ဆကေတ်လဝ်ရ။တန်တဴကဵုအကာဲအရာ UNHCR ထံက်ဂလာန်တုဲ ကောန်ဍုၚ် ဂျူဗ၊ ယူရေတ်ယှ၊ အဳရာတ် မပ္တံကဵုကောန်ဍုၚ်တံဏံဂှ် သၞာံဂတဏံမ္ဂး အလဵုသဳကၟိန်ဍုၚ်အမေရိကာန်တံ သွက်ဂွံဒုၚ်တဲသ္ပစၟတ်သမ္တီဏာ ကောန်ညးဒှ်ဒဒိုက်နွံဏောၚ် သာ်ဝွံ သမ္မတဍုၚ်အမေရိကာန် ဟီုထ္ၜးသောၚ်ကၠးဏာကဵုရ။
Ref: Kuwait News Agency (KUNA)
