ပ္ဍဲစၟတ်တ္ၚဲ ၁၅ ဂိတုဒဳဇြေန်ဗာ ၂၀၁၃ ဂှ် နူဂကောံ Tenaganita (NGO) တံ ကၠောန်သ္ပဏာ International Migrants Day ပ္ဍဲကဵု Putra Hotel မၞုံလ္တူဍုၚ်ဇၞော်ကွာလာလာမ်ပူရ။ ပ္ဍဲသ္ဘၚ်ခန်ကၞာ International Migrants Day ဂှ် ညးတာလျိုၚ်ဂကောံဟံၚ်ဟံၚ်ြပာ်မန် ဥက္ကဋ္ဌ၊ ညးအုပ်ကာ ကေုာံ လျိုၚ်ဂီုကၠီုမွဲတၠတိုန်စိုပ်တုဲ ပ္ဍဲအခိၚ်နူဂယး ၁၀ နာဍဳဂှ် စပံက်ဏာ အသေဟာန်ရ။ ပ္ဍဲကဵုသ္ဘၚ်ကၞာဝွံ ဂကောံကောန်ဍုၚ်အရၚ် ဍုၚ်ဗၟာ၊ ဂကောံ ကောန်ဍုၚ်အေန်ဒဝ်နဳယှာ၊ ဂကောံကောန်ဍုၚ် မလေဝ်ယှာ၊ ဂကောံ NGOs၊ ဂကောံကောန်ဍုၚ်ဘၚ်္ဂလာဒေတ်၊ ဂကောံကောန်ဍုၚ်နဳပဝ်တံ တိုန်စိုပ်အိုတ်ရ။ ကြဴနူပံက်အခန်ကၞာတုဲ ဂကောံမွဲကေုာံမွဲ ဆက်ဏာမိတ်ညးသ္ကံ မိပ်ပ်ြမဟ်ဟ်တုဲ ညးတာလျိုၚ်နူဂကောံ Engage Media မွဲတၠ သောၚ်က္လးဏာလ္တူပရေၚ်ကမၠောန်ညးတံချဳဒရာၚ်ကၠုၚ်ပွိုၚ်မွဲသၞာံဂှ်ရ။ မွဲအဆက်ဓဝ် Dr. Irish ဟီုဏာဂလာန် ဒဒှ်ရပိုဲမၞိဟ်တံ ဂပ်ဝ်ဒးနွံကဵုအခေါၚ်အရာ ထေက်ကဵုဂွံဒုၚ်စအခေါၚ်အရာဇကုဇကုတုဲ အခေါၚ်အရာပိုဲ ညံၚ်ပိုဲဂွံက္လိဂွံဍိုက်က်ပေၚ်ၚ်မာန်ဂှ် ပိုဲတံဟေၚ်ထေက်ကဵုဒးဂ္စာန်ကေတ်ရောၚ် သာ်ဝွံဟီုဆဝ်မ္ၚုဟ် သီုထ္ၜးဏာ ကဵုသာဓက နကဵုဗီုရုပ် Nelson Mandela ကေုာံ (Quote)ပိုဒ်အရေဝ်ညး ညိညဇြိုၚ်သာရ။ သွက်ဂွံဗတိုက် အခေါၚ်အရာပိုဲမာန်ဂှ် ဂကောံ Tenaganita ညးတံလေဝ် ဘိုၚ်ရီုဗၚ်မံၚ်ကဵုပိုဲလၟိန်ရောၚ်၊ ဗဒဲါပိုဲဂှ် ညးတံနွံမံၚ်လၟိန်ရောၚ်၊ "စပ်ကဵုဒးဒုၚ်ပ္ဍဵုပ္ဍိုက်အကြာဗွိုၚ်ကမၠောန်မွဲမွဲလေဝ် မုလ္ပဖေက် တဝ်စၞေဟ်အာလၟိုန်ညိ" သာ်ဝွံ ဒံက်တာ Irish ထပ်ဟီုဏာရ။ ကြဴနူဂှ် ဂကူအေန်ဒဝ် ဂကူကရေၚ်တံ လှေ်ဒယှေ်လဟိၚ် ကဵုဂၠံစိုတ်ပူရိသာတ်တံမွဲကဏ္ဍတုဲ နူဂကောံ Engage Media တံ ပံက်ထ္ၜးဏာကဵု (Video)ရုပ်ဒမျိုၚ် ပရူဒဒှ်နာနာ မပ္တံ 6P, Police, Refugees, Chidren, Women တံရ။ ပ္ဍဲကဵုပ္ကောံပ္ကေဝ် တၚ်နေၚ်ကေုာံတက်ရုပ်ဒမျိုၚ်သ္ကုတ် Refugee ဂှ် ဥက္ကဋ္ဌဂကောံဟံၚ်ြပာ်မန်(နာဲသာၚ်ဝဏ္ဏ)လေဝ် ပါလုပ်မံၚ်မွဲတၠကီုရောၚ် သာ်ဝွံနူဂကောံ Engage Media တံ ပံက်ဟီုထ္ၜးဏာရ။ ကြဴနူပံက်ထ္ၜး ကဵုဗဵုရုပ်ဒမျိုၚ်ဂှ်တုဲ ဂကောံပူရိသာတ်တိုန်စိုပ်တံ ဒးဒုၚ်ပါ်ကရေက်ထောံ မသုန်ဂကောံတုဲ ဂကောံညးကဵုညး သ္ပဏာပေဲါ သဳကၠဳက္လေၚ်သ္ၚဳဂၠိပ်လ္တူရုပ်ဒမျိုၚ်ဇကုမဗဵုလဝ်တံဂှ် ပွိုၚ် ၄၅ မိနေတ်တုဲ သီုကဵုဏဘာ (Evidence collection guideline)နဲဂွံပ္ကောံပ္ကောဝ်တၚ်နေၚ်သွက်သက်သဳသာဓက ဗၞတ်မွဲချိုန်ခဏရ။ မွဲအဆက်ဓဝ် ဒံက်တာ Irish ဟီုဏာဂလာန်အုပ်နိဂီုတုဲ ပ္ဍဲအခိၚ်သဝ်တ္ၚဲ ၃:၃၀ ဂှ် သ္ဘၚ်ကၞာ International Migrants Day သွက်သၞာံ 2013 ဏံ တုဲဒှ်အာဗွဲမအံၚ်ဇၞးရ။
ပ္ဍဲအသေဟာန် သ္ဘၚ်ပေၚ်(၁၀)သၞာံ ဂကောံဟံၚ်ြပာ်မန်ဂှ် ညးစၞးဂကောံ နာနာ၊ ဂကောံကောန်ဍုၚ်အရၚ်၊ ညးမဆာန်ဂကူနွံလ္တူဍုၚ်မလေဝ်ယှာတံ တိုန်စိုပ်ဗၞတ် ၉၀၀ တၠပြၚ်ၚ်ဒှ်တုဲ အသေဟာန်ဝွံ ကၠောန်ဗဒှ်ဏာ ပ္ဍဲ Chinese Assembly Hall လ္တူဍုၚ်ဇၞော်ကွာလာလာမ်ပူ ကၟိန်ဍုၚ်မလေဝ်ယှာ ပ္ဍဲစၟတ်တ္ၚဲ ၂၅ ဂိတုဒဳဇြေန်ဗာ ၂၀၁၃ဏံရ။ ဒုညးအုပ်ကာ နာဲပိုန်ဇဳ ကေုာံ အ္စာၝောံ မိသိုက်ဉာဏ်တံ ရေၚ်တၠုၚ်ဏာ နဒဒှ်သ္ကိုပ်အသေဟာန်တုဲ ပ္ဍဲအခိၚ်နူဂယး ၁၀:၃၀ နာဍဳဂှ် စပံက်ဏာ အသေဟာန်နကဵုဒွက် "ပ္တိုန်ဂုဏ်စရာဲဂကောံဟံၚ်ြပာ်မန်" ရောၚ်။ ပ္ဍဲသ္ဘၚ်ဂကောံဟံၚ်ြပာ်မန်ပေၚ်(၁၀)သၞာံဝွံ တၠဂုဏ်အ္စာကောဝိဒ ဟီုဏာဂလာန် စပ်ကဵုဂကောံဟံၚ်ပြာ်မန်၊ ဥက္ကဋ္ဌဂကောံဟံၚ်ြပာ်မန် နာဲသာၚ်ဝဏ္ဏ ဟီုဏာဂလာန်ဒုၚ်တၠုၚ်၊ သ္ပစၞးကမ္မတဳတြေံတုဲ လျိုၚ်ဂီုကၠီု နာဲဒေသ ဟီုဏာဂလာန်မိပ်စိုတ်၊ ဂအုပ်ရုၚ် နာဲကယျိုၚ်မန် ဟီုထ္ၜးဏာဝၚ်ဂကောံဟံၚ်ြပာ်မန်ဗွဲခမၞောန် ကေုာံ Slideshow၊ ညးအုပ်ကာနာနာ နာဲဉာဏ သောၚ်ကၠးဏာကဵု စရၚ်သြန်လုပ်သြန်တိတ်၊ နာဲအကးပေၚ် ဟီုဏာဂလာန်အုပ်နိဂီုတုဲ ပ္ဍဲအကြာအကြာအစဳဇန်တံဏံဂှ် ကွးဘာဟံၚ်ြပာ်မန်တံ လှေ်ယေန်သၞာၚ်နာနာ ကေုာံ (Model Show)ကွာ်ထ္ၜးလဟိၚ်ကဵုပူရိသာတ်တံ ပါလုပ်မံၚ်ကီုတုဲ ပ္ဍဲအခိၚ် ၂:၁၀ နာဍဳဂှ် အသေဟာန် ဂကောံဟံၚ်ြပာ်မန်ပေၚ်(၁၀)သၞာံ တုဲဒှ်အာဗွဲမအံၚ်ဇၞးတုဲ မွဲအဆက်ဓဝ် အစဳဇန်ဂဳတ ဟံၚ်ဆာန်၊ အဂ္ဂ၊ အကးပေၚ်၊ ဗညာ-Eco၊ Star၊ စၟဳခေတ်၊ အကး၊ သဟ၊ ဂကောံ Weapon ကေုာံ သၟာဒယှေ်ဒွက်ပ္ဍဲဍုၚ်မလေဝ်ယှာတံဂမၠိုၚ် ဒယှေ်လဟိၚ်ဏာကဵု ပူရိသာတ်ညးမတိုန်စိုပ်တံ နကဵုဝိုၚ်ဂဳတ "ဂဳတခေတ်ပိုဲ"ရ။။ အကြာကြာအစဳဇန်ဂဳတဂှ် နာဲဝၚ်မန် ကေုာံ မိလွဳအိန်ရဳတံ ကေတ်ဏာတာလျိုၚ်တုဲ ပံက်ဏာမာဲ ဇိုန်ပအပ်ဏာကဵုလာဘ်ကုညးမဒးအာမာဲတံဂှ်တုဲ ပ္ဍဲအခိၚ်သဝ်တ္ၚဲ ၆:၀၀ နာဍဳဂှ် သ္ဘၚ်ဂကောံဟံၚ်ပြာ်မန် ပေၚ်(၁၀)သၞာံ တုဲဒှ်အာဗွဲမမိပ်မြဟ်ရောၚ်။
