ပ္ဍဲအပ္ဍဲထပှ်သတ္တဟ သၞာံစမံက်ဏံ လၟိဟ်မၞိဟ်ဒှ်ယဲ ၁၃၉၁၅ ဂွံလဝ်စရၚ်တုဲ ယဝ်ရံၚ်ကဵုသၞာံတုဲကၠုၚ်ဏံမ္ဂး သၞာံဏံဝွံ မၞိဟ်ဒဲယဲဒါန်ဂဳဂၠိုၚ်ကၠုၚ် ၂၁၃% ရောၚ် ဒးဟီုစရ။ သၞာံတုဲကၠုၚ်တေံ ၜိုတ်အခိၚ်ဏံ မၞိဟ်ချိုတ် ဟိုတ်နူယဲဒါန်ဂဳဏံ ၁၇ တၠဂှ် သၞာံဏံ နွံကၠုၚ်စဵုကဵု ၂၅ တၠဒှ်တုဲ ယဲဒါန်ဂဳဏံ ဂၠိုၚ်ကၠုၚ်ဂှ် ပိုဲဂွံတီကေတ်ရ။ သွက်ဂွံဂစိုတ်အာဂမိတ်ဇၞော်မံၚ်တုဲတုဲတံကီု သီုကောန်ခမိတ်ဍောတ်တ်တံဂှ် ပိုဲတံဒးဂစတ်အာဂဥုဲဂလုယက်ရောၚ် သာ်ဝွံ ဝန်ဇၞော်ပရေၚ်ထတ်ယုက် Dr. Subramaniam ဟီုရ။ အစဳဇန်ဂစတ်ဂဥုဲဂလုယက်ဝွံ ဟွံလအ်မ္ဂး ပိုဲတံစကၠောန်အာဏောၚ်ဒှ်တုဲ ပွိုၚ်ၜိုတ် (၄)သတ္တဟ ပိုဲတံကၠောန်အာရောၚ်၊ ပွမဂစတ်ဂဥုဲသာ်ဝွံဂှ် ဖအောန်ဖျေံကဵုယဲဒါန်ဂဳမာန်ရောၚ်ထေၚ်ကေတ်ရ။ ဒှ်မာန်မ္ဂး ဒၞာဲတိမက္တဵုဗဒှ်ကဵုဂမိတ်မာန် ဒၞာဲဂမိတ်ဖျေံခၟာဲမာန်တံဂှ်လေဝ် ပိုဲတံထေက်ကဵုဒးဖအိုတ်ကၠေံ ဒးပသောၚ်ကၠေံ ထေက်ကီုရောၚ် သာ်ဝွံ Dr. Subramaniam ထပ်ဟီုဏာရ။ ကုညးမၞုံကဵုလက္ချဏ်ယဲဒါန်ဂဳတံဂှ်လေဝ် ညံၚ်ဟွံဂွံလဇုဲလဇ ထေက်ကဵုဒးထ္ၜးရုၚ်ဂဥုဲ ထေက်ကဵုဒးလွဳထောံရောၚ် သာ်ဝွံညးကဵုဏာကသပ်ကီုရ။
Ref: MalaysianDigest
