ရုၚ်ဟံၚ်ပြာ်မန် ဍုၚ်မလေဝ်ယှာ ပေၚ်(၁၀)သၞာံ

သၞာံဏံ ရုၚ်ဟံၚ်ပြာ်မန် လ္တူဍုၚ်မလေဝ်ယှာ နူစဒက်ပ္တန်လဝ် ပေၚ် (၁၀) သၞာံရောၚ် ဂွံတီကေတ်ရ။ သၞာံ ၂၀၀၃-၂၀၀၄ ဂှ် ဒုၚ်လဝ်ယၟု "ဂကောံဒဳမဝ်ကရေဇြဳကောန်ဂကူမန်" တုဲ စိုပ်သၞာံ ၂၆-၀၄-၂၀၀၅ ဂှ် ပြံၚ်လှာဲကၠုၚ်ယၟု "ရုၚ်ဟံၚ်ပြာ်မန်" မဒှ်ရ။ စပ်ကဵုပရောဏံတုဲ သွက်ဂွံကၠောန်ဗဒှ်သ္ဘၚ် ပေၚ် (၁၀) သၞာံကီု ကေုာံသွက်ဂွံပ္တိုန်ဂုဏ်စရာဲ က္ဍိုပ်သ္ကိုပ် ညးမချဳဒရာၚ် လောန်ကၠုၚ်တုဲတုဲတံဂှ်ကီုတုဲ ပ္ဍဲစၟတ်တ္ၚဲ 5/8/2013 ကေုာံ 18/08/2013 အခိၚ်သဝ်တ္ၚဲ ၇:ဝဝနာဍဳဂှ် ညးတာလျိုၚ်ရုၚ်ဟံၚ်ပြာ်မန်ကေုာံကမ္မတဳမၚ်မွဲတံ မရနုက်ကဵုၜါဝါ ချပ်သဳကၠဳကၠုၚ်လှဲလှဲလးလး သွက်ဂွံကၠောန် သဘၚ်ပေၚ် (၁၀) သၞာံဂှ် ညးတာလျိုၚ်တၟိသၞာံဏံတံ စိုတ်ထတ်ဂၠိုၚ်ရ။

"ကၠောန်ဂှ်ကၠောန်ထေက်မံၚ်၊ (၁၀) သၞာံဟီုဂှ် အောန်မံၚ်အခိၚ်ဟွံသေၚ်ပုဟ်၊ တုဲပၠန် ရဲကေၚ်ယိုက်ဂၠေၚ် လဝ်တာလျိုၚ်တုဲတုဲကၠုၚ်တံဂှ်လေဝ် လိက်ဝၚ်စၟတ်သမ္တီမွဲမွဲလေဝ်ဟွံမွဲ၊ ယဝ်ပိုဲကၠောန်ပ္တိတ် လိက်ဝၚ် ကမ္မတဳရုၚ်ဟံၚ်ပြာ်မန် ဍုၚ်မလေဝ်ယှာမွဲအုပ်မ္ဂး ပဵုတုဲခိုဟ်စိုပ်တရဴဂၠိုၚ်ရ။ မွဲသာ်ပၠန် ယဝ်ပိုဲကၠောန်သ္ပသ္ဘၚ်ပေၚ် (၁၀) သၞာံမ္ဂး ကောန်ဂကူမန်ပိုဲလေဝ် ဂွံဆဵုညာတ် ဂွံတီကေတ် ဒဒှ်ရ ညးတံထံက်ပၚ်ကၠုၚ်လဝ်ရုၚ်ဟံၚ်ပြာ်မန် ပေၚ် (၁၀) သၞာံယျ၊ ညးတံလေဝ် ဂွံဒှ်အာသက်သဳသာဓက တၚ်မိပ်စိုတ်ပ္ဍဲညးတံကီု" သာ်ဝွံ ကၠောန်ထေက်မံၚ် ကလိဂွံတၚ်သ္ဂုတ်သွာတ် ပ္ဍဲဝိုၚ်ကောံဓရီုတ္ၚဲဏံရ။ အကြာဂိတု ၁၂ ဏံရ စၟတ်တ္ၚဲလဵုကၠောန် ဒၞာဲလဵုကၠောန် ဗီုပြၚ်လဵုကၠောန်သ္ပဂှ် ဟွံဂွံဖျေံလဝ်သ္ဂုတ်သွာတ် ချိုတ်တ်ပၠိုတ်တ်ဏီရ။

Read More

ကောန်ကွးဘာတံဒေါအ်ဟွံဂွံတုဲ ဒှ်ကၠုၚ်မၞိဟ်ပရမ်အိုတ်

မုဟိုတ်သၟတ်တအ်ဂမၠိုၚ် လုပ်ပံၚ်တောဲကဵုဂကောံမၞိဟ်ပရမ်ဂှ်ရော ဍေံတအ်တၚ်ရုဲစှ် နွံညိညိဓဝ်ရ ညးမတိတ်နူ ဂကောံမၞိ ဟ် ပရမ်မွဲတၠဟီုလဝ်ရ၊ နာဲရာတ်(ယၟုဇေတ်ဇေတ်ဟွံသေၚ်မွဲတၠ) ဟီုလဝ် အဃော ညးတေံ တိုန်မံၚ်ဘာမွဲတန်တေံ သၟတ်မွဲ ညးမတိုန်မံၚ်ဘာမသုန်တန် ဆုဲပြံၚ်ကရပ်ဏာညးတေံတုဲ အာတ်မိက် တိုန်ညးတေံ သွက်ရဂွံပံၚ်တောဲကဵု ဂကောံ မၞိဟ်ပရမ်ရ၊ ဟိုဟ်နူညးတေံတးပါယ်ထောံတုဲ ဂကောံသၟတ် မွဲက္ဍိုပ် ညးမမၚ်မံၚ်မ္ၚးဘာဂမၠိုၚ် ၜုၚ်တက်ပျဲပျာံညးတေံရ၊ ဟိုတ်ဒှ်သာ်ဂှ်ရ ညးတေံ ဒေါအ်ဟွံဂွံ ဟွံမွဲကဵုတၚ်ရုဲစှ် ဗွဲစၟတ်တုန် ဖျေံဏါတၚ်သ္ဂုတ်သွုတ်ရ။

ဂကောံပရမ် ၂၄ မွဲတၠ ဟီုလဝ် ဇၟာပ်ဂိတုရပိုဲဒးကဵုမံၚ်ၚုဟ်မးစရိတ်လိၚ်ဘာ ၂၄ ရေန်ဂေတ် ပ္ဍဲဒေသ ထီုပါတူ(Batu)ဏံ တုဲ ပ္ဍဲဒေသဏံ ဂကောံ မၞိဟ်ပရမ်၂၄ ကဵု ဂကောံမၞိဟ်ပရမ် ၃၆ ၜါဂကောံဏံ ကၠောန် ကမၠောန်စပ်တရဴခိုဟ်အိုတ်ရ သွက်ရ ဂွံဗၠးဘဲလမျီုတှေ် နာဲဒးလုပ်ဂကောံ မွဲမွဲဏေါၚ် ဟွံသေၚ်မ္ဂး ဒးလုပ် ပံၚ်တဲကဵုဂကောံတၞဟ်တၞဟ်တံဏေါၚ်၊အလုံမွဲဒမ်ရိပ်တရဴဂှ် သၟတ်တံဂမၠိုၚ်ဖျေံဏာလာပ်ဗဇဴကိုပ်ကၠာအိုတ် စပ်ကဵု ပရေၚ်စဵုဒၞာလေံဒုက်သီုကဵု ပရာန်ကဵု သွံရာန်ဂဥုဲ ကေုာံ သ္ပကမၠတ်ဒမၠရ၊ပ္ဍဲကဵု ကိစ္စစပ်ကဵု ကယျာန်ဓဝါတ်ပ္ဍဲအတိတ်တေံ နာဲရာတ်ကၠိုဟ်တီမံၚ်တုဲတုဲရတၚ်တဝ်စၞေဟ်ညးမွဲကဵုမွဲ သဵုကဵုပါလုပ်မံၚ် သၟတ်တံ ဂမၠိုၚ် ဍေံမပဂပ်လဝ်ကပေါတ်မၞိဟ်ပရမ်လွဟ်မြဇြၚ်၊  နာဲရာတ်ဟီုလဝ် အရာဏံဂှ်ဒှ်ကၠုၚ်လဝ်ကၠာ ကၠာတေံရ။

လၟုဟ်ဏံသၞာတ်လွဟ်တံဂၠိုၚ်ဂၠေၚ်တိုန်ကွေံကွေံရ၊ မက်နာမ် (Magnum 24) လွဟ်မွဲဒကိုအ် ဒးကဵုၚုဟ်မး အောန်အိုတ် ၂၅၀၀ ရေန်ဂေတ် သွက်မကမ်တံဂမၠိုၚ်ဒးပါက်ထောံၚုဟ်မးဍေံဏေါၚ် ဆ္ဂးသၟတ်တံဂမၠိုၚ်သြန်နွံမံၚ် ဟိုတ်နူကဵုဍေံတံ လုပ်နွံမံၚ်ပ္ဍဲဌာန်ဒေသသွံရာန်ဥုဲဝိဝိၚ်တုဲ ဟိုတ်ဒှ်သာ်ဂှ်ရဍေံတံရာန်သၞာတ်တုဲ ပန်ဂစိုတ် ကၠေံ ညးတၞဟ်တံတုဲ သွက်ရဂွံတ က်ကျာ သဳကၠဳဂှ်ဒၞာလဵုလဝ်ဟၟဲရ သီုကဵုပိုဲမှဖေက်မံၚ်ဏီ။

Ref: The Star Online

Read More

အစဳဇန်ဂြးဖအိုတ်သၟာကမၠောန်ကောန်ဍုၚ်မ္ၚး ပ္ဍဲဍုၚ်မလေဝ်ယှာ

အစဳဇန်ဂြးဖအိုတ်သၟာန်ကမၠောန်ကောန်ဍုၚ်မ္ၚး စနူစၟတ်တ္ၚဲ သေပ်တေမ်ပါ (၁-၂၀၁၃) ပ္ဍဲဍုၚ်မလေဝ်ယှာ ဏံဝွံ လံစဵုကဵုပွိုၚ် (၃)ဂိတု ရောၚ် ပ္ဍဲကဵုပရိုၚ် The Economic Time ကေုံာ ပရိုၚ်တၞဟ်ဟ်တံဗွဲမဂၠိုၚ် ချူပတိုန်ထ္ၜး လဝ်နွံရ၊ အာကၠုၚ်စွံသတိဇၞော်ဇၞော်ညိ၊ လၞိဟ်သၟာကမၠောန် ကောန်ုဍုၚ်ဝုတ်ဒိုသ် (၅၀၀,၀၀၀)   အလဵုသဳဍုၚ် မလေဝ်ယှာတံ ဖျေံလဝ်အစဳဇန်ဗက်ရပ်တုဲ ညးတံပလံၚ်ဖျဴဍုၚ်မိတိမဇကုဏောၚ်၊ သွက်ညးဟွံမွဲကဵု လိက်ဒုၚ်လျိုၚ်မွဲမွဲသာ်တံဂှ်   ဟွံမိက်စဴဍုၚ်ဇကုဏီမ္ဂး ထံၚ်ပရိုၚ်ဂၠံၚ်ဍာန်တရဴတုဲ အာကၠုၚ်အိုတ်ညိ၊၊ 

သေဌဳမဒုၚ်လဝ်တဲ ကောန်ကမၠောန်ဟွံကဵုဗဗွဲဓဝ်တံလေဝ် ဒးဒုၚ်တပ်ဒဏ်သြန် (၅၀၀,၀၀၀) ရေန်ဂေတ် တုဲ သီုကဵုဒးဒုၚ်ဖျေံထံၚ် ဗၞတ်(၂၀)သၞာံကီုရောၚ်၊၊ အစဳဇန်ဏံဝွံ တၞဟ်နယှအ်ဖျေံသၟာကမၠောန် ကောန်ပလတ် ဟွံကဵု လိက်သၞောဝ်တံဂှ်တုဲ အလဵုသဳကၟိန်ဍုၚ်မလေဝ်ယှာတံ ကၠောန်သ္ပသာ်ဝွံရောၚ် ပ္ဍဲကဵုပရိုၚ်မဳဒိယျာဂမၠိုၚ် ချူပတိုန်ထ္ၜး လဝ်ဂွံဆဵုကေတ်ရ၊၊

Read More

အစဳဇန်ဒုၚ်တၠုၚ် ဂကောံကောန်ဒှ်ဒဒိုက်ဂမၠိုၚ်

ဂကောံကောန်ဒှ်ဒိုက်ပ္ဍဲဍုၚ်မလေဝ်ယှာဂမၠိုၚ် ကဵုဇြဟတ်ထံက်ဂလာန် ပ္တိုန်ထ္ၜး သွက်ဂွံရီုဗၚ်ရနုက်ဗပေၚ် တၚ်အာတ်မိက် သွက်သၟာကမၠောန် ညးဗြဴအပ္ဍဲဍုၚ်တံရ။ “ညးဗြဴဂကူ သဵုမလဳ (Somali) လ္ၚဵုတံ ကၠောန်ဒံၚ်ကမၠောန် နဒဒှ်ကောန်ဍိက်သ္ၚိတုဲ လ္ၚဵုဂှ်ကၠောန်ကမၠောန် ကဝက်အ္ခိၚ် မပ္တံသအးဇ္ၚးသ္ၚိ သအးဇ္ၚးရုၚ်ကမၠောန်” သာ်ဝွံ က္ဍိုပ်သ္ကိုပ်ဂကောံကောန်ဒှ်ဒဒိုက် သဵုမလဳ ပ္ဍဲဂမ်ပခ်, ဂွာလာလာမ်ပူ မၞုံယၟု သာရေပ်မိုဝ်ဟမေက် ဟီုရ။  မၞိဟ်ဗြဴတံ ညးမနွံမံၚ်ပ္ဍဲဍုၚ်မလေဝ်ယှာဏံ ကြပ်ဖအိုတ်ဂှ် ဒှ်မံၚ်ပေါဲပၞာန် ဟွံသေၚ်သာ်ဂှ်မ္ဂး ဒဒှ်မကၠၚ်ဒၟံၚ်ပရေၚ်ဍုၚ်ကွာန်တုဲ ဒးဗ္ဒဗ္ဒာဲစမံၚ်ကဵုအထံက်အပၚ်နူမသကလောကောဒေံ ကေုာံ မိသဟာဲဂမၠိုၚ်ရ။ ပွမကၠောန်ကမၠောန် နဒဒှ်ကောန်ဍိက်သ္ၚိဗီုဗီုဏံဂှ် သွက်ညးတံလေဝ် က္လိဂွံအာအခေါၚ်ဒတဴ ဒလိုၚ်အလဵုဇကုဇကုရ။ ကြဴနူတန်တဴပ္ဍဲဍုၚ်မလေဝ်ယှာဏံတုဲ ယဝ်ရညးတံအာစိုပ်ဍုၚ်တတိယတေံမွဲမွဲလေဝ် ပရေၚ်ဆဵုဂဗကမၠောန်ဏံဝွံ ဒှ်အထံက်အရီုသွက်ညးတံ ဂွံဂွံကမၠောန်လောဲရောၚ်ဂှ် ညးတေံထပ်ဟီုလဝ်ပၠန်ရ။ ပြဟ်ပြဟ်ဏံကောန်ဒှ်ဒဒိုက် သိုဝ်မလဳတံ ၜိုတ် ၁၁၇၀ တၠနွံဒၟံၚ်ပ္ဍဲဍုၚ်ဏံတုဲ ၜိုတ် 90% ပြၚ်ဂှ် ဒှ်မံၚ်မၞိဟ်ဗြဴတံရ။ အခိုက်ကၞာပြဝေဏဳတၞဟ်ခြာဂှ် ကိစ္စဟွံဇၞော်ပုဟ် သာ်ဝွံ သာရေပ်(Sharif) ပတှေ်ကေတ်လဝ်ရ။ ၜိုန်ရယေန်သၞာၚ်အာဖရိကတံ တၞဟ်ခြာနူယေန်သၞာအာယှဏံကီုလေဝ် ရံၚ်ကဵုပရေၚ်ဘာသာမူသလေမ်တုဲ အခိုက်ကၞာပိုဲ တုပ်သၟဟ်မံၚ်ကဵုမူသလေမ်ပ္ဍဲမလေဝ်ယှာဏံ နွံမံၚ်ဗွဲမဂၠိုၚ်ရောၚ်။

“လိက်တၚ်ပ္တိုန်ထ္ၜးဏံဝွံ သွက်ညးဒှ်ဒဒိုက်ကောန်ဍုၚ်ဗၟာ မမိက်ထံက်ပၚ်မံၚ် သ္ၚိကၟိန်ဇကုညံၚ်ဂွံစသုၚ်လှဲလး တိုန်ဂှ်လေဝ် ဒှ်အထံက်အပၚ်မွဲသာ်ကီုရောၚ်” သာ်ဝွံ မိုဝ်မိုဝ်ခါၚ် ညးမဒှ်မၞိဟ်ကောပ်ကာဲဒၟံၚ် စပ်ကဵုဂကောံကောန်ဒှ်ဒဒိုက်ညးဗြဴဗၟာမွဲတၠ ဟီုရ။ အဃောညးတံဒုၚ်ဒၟံၚ်တၠုၚ်ကဵုအစဳဇန် တၞဟ်နကဵုအခေါၚ်ကဵု ကောန်ဒှ်ဒဒိုက်တံ သွက်ကၠောန်ကမၠောန်ပ္ဍဲဍုၚ်မလေဝ်ယှာဏံဂှ် “ကၠာညးတံဟွံဂွံတိတ်ကၠောန်ကမၠောန်မ္ၚးဏီမ္ဂး ညးဗြဴရိုဝ်ဟေန်ဂျာတံ နွံပၟိက်ဒၟံၚ်ကဵုကတ်ဗ္တောန်ကေတ် ပရေၚ်ပညာ ကေုာံ ပရေၚ်ပကတ်ပကေၚ် လ္ၚဵုလ္ၚဵုတံဂမၠိုၚ်ရောၚ်” သာ်ဝွံ မိုဝ်ဟမေတ်သဒခ် (Mohammad Sadek) ညးမကောပ်ကာဲဒၟံၚ်အစဳဇန် သွက်ဂကောံကောန်ဒှ်ဒဒိုက် ဂကူရခေၚ် ရိုဝ်ဟေန်ဂျာ ဟီုရ။ ဒှ်မံၚ်ဓဝိၚ်မွဲသာ်ဂှ် ယဝ်ရကောန်ဒှ်ဒဒိုက်တံ စကၠောန်ကမၠောန်မ္ဂး စပ်ကဵုပရေၚ်အထံက်ပၚ်ဂှ် နူဂကောံယူအေန်တံ ဒေါအ်ထောံရောၚ်ဂှ် ညးတေံ ထပ်ဟီုဏာရ။

“ကောန်ညးဒှ်ဒဒိုက်တံဂှ် ၜိုန်ရညးတံလိၚ်ကၠောန်မံၚ် နဒဒှ်ကောန်ဍိက်ပ္ဍဲသ္ၚိကီုလေဝ် အခေါၚ်အရာညးတံဂှ် သ္ဒးနွံကဵုပရေၚ်စဵုဒၞာဂီုကၠီုကီုရောၚ်” သာ်ဝွံ ဒံက်တာအာဲရေန်ဝှာနာန်ဒက်ဇ် (Dr. Irene Fernandez) ညးမကောပ်ကာဲပ္ဍဲဌာနဗဟဵု ထဳဏဂနဳတ (Tenaganita) မွဲတၠ ဟီုရ။ တၚ်ပိုတ်သ္ကုတ်သၟာကမၠောန်အပ္ဍဲဍုၚ်ဂှ် ဒှ်ဟိုတ်ဖဵုပိုဲသၞောဝ်ဟွံမွဲ တုဲ ဗၠာဲသၟိၚ်ပိုဲဟွံမွဲပ္ဍဲဒၞာဲ တၞဟ်နစဵုဒၞာထိၚ်ဒဝ် အခေါၚ်အရာညးတံရ။ ယဝ်ရပိုဲဟွံစုတ်အခေါၚ်အရာပရေၚ်စဵုဒၞာပ္ဍဲဒၞာဲ ဟွံသေၚ်သာ်ဂှ်မ္ဂး စဵုကဵုပိုဲစွံအခေါၚ်အရာပရေၚ်စဵုဒၞာပ္ဍဲဒၞာဲ ပ္ဍဲကဵုပရေၚ်ကမၠေန်အပ္ဍဲဍုၚ်ဏံ ပိုဲဟွံဒးဗပေၚ်ဇြဟတ်နူမၞိဟ်မွဲမွဲပုဟ် ကောန်ဒှ်ဒဒိုက်တံပဵုတုဲအောန်စှေ်အာ ပူဂဵုညးမဒဒုၚ်စသိုၚ် ပွမထ္ၜေက်တုဲကၠောန်မံၚ်ကမၠောန်တံဂှ် ဒံက်တာဝှာနာန်ဒက်ဇ် (Dr Fernandez) ဟီုလဝ်ရ။ သၟာကမၠောန်အပ္ဍဲဍုၚ်လၟိဟ်ဂွံအောန်မံၚ်ဂှ် သွက်ဂွံစဵုဒၞာဂီုကၠီုကဵုအခေါၚ်အရာညးတံဂှ် ဒှ်ဟိုတ်သၞောဝ် ပိုဲဟွံမွဲရောၚ် သ္ဒးဟီုစရ။ သွက်ဂွံစဵုဒၞာကဵုအခေါၚ်အရာညးတံဂှ် လုကဴကာလပိုဲဖန်ဗဒှ်ကဵုညးတံဟွံမာန်ဏီ ပိုဲဟွံထေက်ကဵုကော်ပၠော်ညးတံကဵုကၠောန်ကမၠောန်ပ္ဍဲဍုၚ်ပုဟ်၊ ကောန်ညးဒှ်ဒဒိုက်မအောန်ကဵုဇြဟတ် မ္ဒးဒုၚ်သုၚ်စောဲစကာဒၟံၚ်တုဲတုဲတံဂှ်လေဝ် ညးလၟိဟ်ဂွံအောန်စှေ်အာဂှ်လေဝ် ပိုဲသ္ဒးထေက်ကဵုရီုဗၚ်ညးတံကီုရောၚ် သာ်ဝွံ ဒံက်တာအာဲရေန်ဝှာနာန်ဒက်ဇ် ဟီုရ။

Ref: The Star Online

Read More