ပ္ဍဲကဵုပေါဲကောံဓရီု SPF Network Meeting ပ္ဍဲစၟတ်တ္ၚဲ 28/11/2013 ကၠောန်ဗဒှ်ပ္ဍဲ Chinese Assembly Hall ဂှ် ညးတာလျိုၚ်ရုၚ်ဟံၚ်ပြာ်မန် ဥက္ကဋ္ဌ၊ ညးအုပ်ကာ ကေုာံ အ္စာဘာမွဲတၠတိုန်စိုပ်တုဲ ပ္ဍဲအခိၚ် ၉:၀၀ နာဍဳနူဂယးဂှ် စပံက်ဏာအခန်ကၞာတုဲ ပ္ဍဲကဵုပေဲါကေုာံဓရီုဂှ် သီုပအပ်ကဵုဏာ စၟတ်တဲအံၚ်ဇၞး ကုညးဗ္တောန်လဝ်ကွတ်ခေပ်ပယျေဝ် သၞေံဇိုၚ်တဲ ကုဂကူကချေၚ်တံတုဲ မွဲအဆက်ဓဝ် သီုရုဲစှ်ပ္တိုန်ဏာစရာဲ Project ခိုဟ်အိုတ် ပ္ဍဲဗွိုၚ်သၞာံ 2013 ဏံတုဲ ပအပ်ဏာကဵုတဆိပ်ကြာကုဂကောံတၞဟ်ဟ်တံရ။ ပၞောဝ်ကဵု Project ခိုဟ်အိုတ်စှ်ဂမၠိုၚ်ဂှ် ပ္ဍဲကဵု Project က္လိဂွံ လာပ်ပထမဂှ် အ္စာဘာဟံၚ်ပြာ်မန်ပိုဲ နာဲဆာန်ဂကူ ပါလုပ်မံၚ်မွဲတၠကီုတုဲ ယၟု Project ညးတံဂှ် "Youth Cultural Orientation towards Peaceful Coexistence" တုဲ နူကဵုဂိတုဂျောန်(June)တေံ စပ္တံချဳဒရာၚ်လဝ်တုဲ ပ္ဍဲကဵုသၞာံဏံ ဒှ် Project ခိုဟ်အိုတ်မွဲရောၚ်ဂှ် ဂွံဏာစၟတ်သမ္တီနူကဵုဂကောံ SPF ရ။
ပ္ဍဲကဵုပေဲါကောံဓရီုဂှ် တၚ်နေၚ်သုတေသန ဂကောံ Youth Collective Team တံ သ္ပလဝ်သုတေသနကဵုကောန်ညးဒှ်ဒဒိုက် ၁၀၀-တၠတံဂှ်လေဝ် ညးတံပါ်ပရအ်လဴထ္ၜးဏာကဵုတၚ်နေၚ် အတိုၚ်ညးတံပ္ကောံပ္ကေဝ်ဂွံလဝ်တံဂှ်ကီုရ။ အတိုၚ်တၚ်နေၚ်ညးတံပ္ကောံပ္ကေဝ်ဂွံနၚ်နူကဵု Survey ညးတံဂှ် ကောန်ဒှ်ဒဒိုက်ညးဗြဴဗြဴပ္ဍဲဍုၚ်မလေဝ်ယှာဏံ ဒးဒုၚ်ပ္ဍဵုပ္ဍိုက်မံၚ်ကဵုသေဌဳကမၠောန်တံ နွံဂၠိုၚ်ကီုတုဲ ဒးဒုၚ်ပ္ဍဵုပ္ဍိုက် စပ်ကဵုအရေဝ်ဂှ် ၄၂% ၊ ဒးဒုၚ်ပ္ဍဵုပ္ဍိုက်စပ်ကဵုကာယဂှ် ၇% ၊ ဒးဒုၚ်ပ္ဍဵုပ္ဍိုက်စပ်ကဵုလိၚ်ဂှ် ၅% သာ်ဝွံ ညးတံပံက်ထ္ၜးလဴဏာကဵုတုဲ ဂွံဒးပ္ဍဵုပ္ဍိုက်ဗီုဗီုဏံဂှ် ဗွဲမဂၠိုၚ်တှေ် ဟိုတ်နူကဵုအောန်ကဵုကွတ်ကီု ဟိုတ်ဒှ်အခက်အခုဲကဵုသြန်ကီုတုဲ ကမၠောန်သွက်ဂွံရုဲဟွံမွဲ ကမၠောန်ဆဵုဂှ်ဟေၚ် ဒးကၠောန်အာဂှ်ရ ပရေၚ်တံဏံ ဒှ်ကၠုၚ်ဂၠိုၚ်ရောၚ် သာ်ဝွံ ဂကောံညးသ္ပသုတေသနတံထပ်ဟီုဏာရ။
ကြဴနူဂှ် သ္ၚဳဂၠိပ်ပါ်ပဲါပရေၚ်ကမၠောန်သၞာံ 2013 တုဲ ဆက်ချပ်သဳကၠဳအာပရေၚ်ကမၠောန်အဓါန်ဂတ သွက်သၞာံ ၂၀၁၄ တုဲ ပ္ဍဲအခိၚ်ဒေါဝ်တ္ၚဲ ၁၂:၀၀ နာဍဳပြၚ်ၚ်ဂှ် ပေဲါကောံဓရီုအာစိုပ်ဒတုဲအာဗွဲမအံၚ်ဇၞးရောၚ်။
ပ္ဍဲကဵုပေဲါကောံဓရီုဂှ် တၚ်နေၚ်သုတေသန ဂကောံ Youth Collective Team တံ သ္ပလဝ်သုတေသနကဵုကောန်ညးဒှ်ဒဒိုက် ၁၀၀-တၠတံဂှ်လေဝ် ညးတံပါ်ပရအ်လဴထ္ၜးဏာကဵုတၚ်နေၚ် အတိုၚ်ညးတံပ္ကောံပ္ကေဝ်ဂွံလဝ်တံဂှ်ကီုရ။ အတိုၚ်တၚ်နေၚ်ညးတံပ္ကောံပ္ကေဝ်ဂွံနၚ်နူကဵု Survey ညးတံဂှ် ကောန်ဒှ်ဒဒိုက်ညးဗြဴဗြဴပ္ဍဲဍုၚ်မလေဝ်ယှာဏံ ဒးဒုၚ်ပ္ဍဵုပ္ဍိုက်မံၚ်ကဵုသေဌဳကမၠောန်တံ နွံဂၠိုၚ်ကီုတုဲ ဒးဒုၚ်ပ္ဍဵုပ္ဍိုက် စပ်ကဵုအရေဝ်ဂှ် ၄၂% ၊ ဒးဒုၚ်ပ္ဍဵုပ္ဍိုက်စပ်ကဵုကာယဂှ် ၇% ၊ ဒးဒုၚ်ပ္ဍဵုပ္ဍိုက်စပ်ကဵုလိၚ်ဂှ် ၅% သာ်ဝွံ ညးတံပံက်ထ္ၜးလဴဏာကဵုတုဲ ဂွံဒးပ္ဍဵုပ္ဍိုက်ဗီုဗီုဏံဂှ် ဗွဲမဂၠိုၚ်တှေ် ဟိုတ်နူကဵုအောန်ကဵုကွတ်ကီု ဟိုတ်ဒှ်အခက်အခုဲကဵုသြန်ကီုတုဲ ကမၠောန်သွက်ဂွံရုဲဟွံမွဲ ကမၠောန်ဆဵုဂှ်ဟေၚ် ဒးကၠောန်အာဂှ်ရ ပရေၚ်တံဏံ ဒှ်ကၠုၚ်ဂၠိုၚ်ရောၚ် သာ်ဝွံ ဂကောံညးသ္ပသုတေသနတံထပ်ဟီုဏာရ။
ကြဴနူဂှ် သ္ၚဳဂၠိပ်ပါ်ပဲါပရေၚ်ကမၠောန်သၞာံ 2013 တုဲ ဆက်ချပ်သဳကၠဳအာပရေၚ်ကမၠောန်အဓါန်ဂတ သွက်သၞာံ ၂၀၁၄ တုဲ ပ္ဍဲအခိၚ်ဒေါဝ်တ္ၚဲ ၁၂:၀၀ နာဍဳပြၚ်ၚ်ဂှ် ပေဲါကောံဓရီုအာစိုပ်ဒတုဲအာဗွဲမအံၚ်ဇၞးရောၚ်။
0 comments:
Post a Comment