လတူအလဵုသဳဗၟာ ပွိုၚ် ၄၂ သၞာံပြၚ်ၚ် ဘာပရေၚ်ပညာကောန်ဂကူမန် နူဗော်ဍုၚ်မန်တၟိ ပံက်လဝ်တံဂှ် ဟိုတ်နူဒှ်တၚ်ခက်ခုဲကဵုသြန်ဘဏ္ဍာတံကီု အကာဲအရာပရေၚ်ပညာဘာကောန်ဂကူမန်ပိုဲ ပစ္စုပ္ပန်လၟုဟ် ဗီုလဵုနွံ
ဒတူဒလိုၚ် ဗီု်လဵုဒှ်တၚ်ခက်ခုဲ သာ်ဂှ်လေဝ် နွံပၟိက်မိက်ဂွံပသောၚ်ထ္ၜးကဵုဇၟာပ်ဂကူမန် ညံၚ်ဂွံတီပရေၚ်မၞိဟ်ကီု ၊ ဘာပရေၚ်ပညာကောန်ဂကူမန်ကီု ပရေၚ်ဍုၚ်ကွာန်ကီု မဒှ်တုဲ ကျာ်ဇၞော်အစာ ၜါဇကု ဘဒ္ဒန္တကေတုမာလာ ဘာကံပလိုၚ်၊ဘဒ္ဒန္တ သဳလဝန္တ ဘာဟံၚ်သာထဝ် ဍုၚ်ဇြပ်ဗု ကညစိုပ်လဒေါဝ်ဍုၚ်မလေဝ်ယှာ မဒှ်ရ။ သွက်ဂွံပံက်ထ္ၜးလဴပူစလတူကောန်ဂကူမန်ပိုဲဂှ် စနူစၟတ်တ္ၚဲ ၁၄ /၀၆/ ၂၀၁၄ အခိၚ်သဝ်တ္ၚဲ ရးဝဝ နာဍဳ
စကၠောန်သ္ပမဒှ်တုဲ မွဲအဆက်ဓဝ် ဒေသသၞေဟ်ဂၠုၚ်ကီု၊ဒေသပဳနာန်ကီု၊ဒေသကေအေလ်ကီု မပ္တံသာ်ဏံ ၄ ဌာန၊၄ ဒၞာဲ ဗွဲမအံၚ်ဇၞး ဟၟဲကဵုခက်ခုဲ သာ်ဝွံ ညးဗက်ကရောံကျာ်ဇၞော်အ္စာ နာဲကယျိုၚ်မန် ဟီုရ။
သဘၚ်ဓရ်ဂၠာဲသြန်ဗွဝ် ဘာပရေၚ်ပညာကောန်ဂကူမန် ဂွံဒှ်ကၠုၚ်မာန် မပ္တံ ဍုၚ်မလေဝ်ယှာ၊ဍုၚ်သေန်ကာပေါဲ၊ဍုၚ်သေံ တံဂှ် တၠဂုဏ်အ္စာ ထာဝရ သ္ကိုပ်သ္ကပံၚ်တောဲကဵုမဟာန်ဇန် ၊ပံၚ်တောဲကဵုဂကောံကေုာံဂကောံပံၚ်ကောံမန်မလေဝ်ယှာတုဲ ကၠောန်ဗဒှ်အာဂွံတီကေတ်ရ။
ဗွဲတၟေၚ် ကျာ်ဇၞော်အ္စာသဳလဝန္တ ” ပိုဲကၠုၚ်လၟုဟ်ဏံဂှ် စပ်ကဵုဌာနဘာပရေၚ်ပညာကောန်ဂကူမန် သွက်အ္စာဘာ၊အ္စာဗြဴဂမၠိုၚ် ဂကောံပိုဲမိက်ဂွံထံက်ပၚ်သၠုၚ်ပ္တိုန်သြန်ဂိတု အ္စာဘာညိ” သာ်ဝွံ ကျာ်ဇၞော်အ္စာ သဳလဝန္တ ဟီုတွံထ္ၜးလဝ် သီု (၄) ဌာန ဂွံတီကေတ်နူဇရေၚ်တၠဂုဏ်အ္စာထာဝရ ဆက်လဴထ္ၜးလဝ်ပၠန်ရ။
ကျာ်ဇၞော်အ္စာကေတုမာလာလေဝ် ပသောၚ်ထ္ၜးဏာဗွဲမဂၠိုၚ်ဂၠေၚ် မပ္တံသြန်ဂိတုအ္စာဘာတံအောန်လောန်ကီု၊နူကဵုဗော်ဍုၚ်မန်တၟိလေဝ် ၜိုတ်သ္ပမာန်၊ၜိုတ်ရီုမာန်၊ၜိုတ်ထံက်မာန် အ္စာဘာ အ္စာဗြဴ ၁ တၠမ္ဂး ၂ ဠက်တှ်ေ ညံၚ်ကဵုအောန်တဴဗွဲမလောန်တုဲ ညံၚ်ဂွံဗပေၚ် ၅ ဠက်မာန် ၊ နုဗော်ဍုၚ်မန်တၟိလေဝ်တုပ်စိုတ် ပအပ်ကဵုခမဳသၚ်မွဲဟာန်ကေုာံမဟာဇန်ဂမၠိုၚ်တုဲ ဂၠာဲအာသြန်ဗွဝ် သွက်အ္စာဘာ အ္စာဗြဴဂမၠိုၚ် သီုဆဝ်မ္ၚုဟ် မိက်ဂွံကဵုတီ၊ညံၚ်ဂွံကဵုအရီုဗၚ် လတူဂကူဇကုမာန် ရန်တၟံဇြိုဟ်ဟ်နက်က်တုဲ ပိုဲစိုပ်ကၠုၚ်ဏံရ။
ညးမအာဂတပၠရဴ တၠဂုဏ်အ္စာထာဝရ ဆက်ဟီုပၠန်ဂှ် ဒဒှ်ရ ကောန်ဂကူမန်ပိုဲ ပ္ဍဲဍုၚ်ကီု-မ္ၚးဍုၚ် အလုံမန်ဖအိုတ် ၜိုတ်မာန်ကဵုမာန် ဒးကဵုဇြဟတ်ရောၚ်။
0 comments:
Post a Comment