နူဗတံဏံအခိၚ်ၜိုတ် ထပှ်နာဍဳပြၚ်ၚ် နူဌာန UNHCR တက်ဖုၚ်ကဵုညးတာလျိုၚ်ဂကောံဟံၚ်ပြာ်မန်တုဲ လျိုၚ်ပရေၚ်ဂီုကၠီု ဌာနဂကောံဟံၚ်ပြာ်မန် နာဲ ဝၚ်မန် အာဒုၚ်ပတိတ်နၚ်ကောန်ထံၚ်ထပှ်တၠ ဖျဴနၚ် ဌာန်ဂကောံဟံၚ်ပြာ်မန်ဂွံတီကေတ်ရ။
သၟာဗၠးတိတ်နူထံၚ် ထပှ်တၠဝွံ ဒှ်ကောန်ဂကူမန် သီုထပှ်တၠမဒှ်တုဲ မၞုံယၟု နာဲလှာၚ်ဝေန်ထောဋ် မဒှ်ကောန် နာဲဘ - မိလှာၚ် အာ ယုက် ၃၀ သၞာံဇါတိကွာန် သၚ်ကၠံ ပွိုၚ်ဍုၚ်ကျာ်မြဟ် စၟတ်တ္ၚဲ ၃၀ -၀၁-၂၀၁၄ ဂှ် ဒးဒုၚ်ရပ်လဝ် ဒၞာဲကမၠောန်သိုၚ်သ္ၚိတိုက် ဒေသဂူရု (အ လဿတာ) မဒှ်ရ။
မၞုံယၟု နာဲအံၚ်မန်မဒှ်ကောန် နာဲသဵု - မိသဳအာယုက် ၂၅ သၞာံဇါတိကွာန်ကြေန်ဏာပွိုၚ်ဍုၚ်ကျာ်မြဟ်စၟတ်တ္ၚဲ -၀၈-၁၁-၀၁၃ ဂှ် ဒးဒုၚ်ရပ်လဝ် ဒၞာဲကမၠောန်ဆေၚ် ဒေသဇြုတာၚ် (K.L) မဒှ်ရ။မၞုံယၟု နာဲသိုက်ဆာန် မဒှ်ကောန် နာဲမျေတ် အာယုက် ၂၇ သၞာံဇါတိ ကွာန်ကၠအ်သတ်ပွိုၚ်ဍုၚ်ဇြပ်ဗုစၟတ်တ္ၚဲ ၀၈-၁၁-၂၀၁၃ ဂှ် ဒးဒုၚ်ရပ်လဝ်အကြာဂၠံၚ် KLCC မဒှ်ရ။ မၞုံယၟု နာဲမျဵုမျေတ် မဒှ်ကောန် နာဲ သာန်ထောန်-မိအေအာယုက် ၃၈ သၞာံဇါတိကွာန် သံမယာ(ပွိုၚ်ဍုၚ်ကျာ်မြဟ်) စၟတ်တ္ၚဲ၂၆-၁၂-၂၀၁၃ ဒေသဆာန်လောန် (အလ ဿတာ)မဒှ်ရ ။ မၞုံယၟု နာဲကျဝ်ဝ် မဒှ်ကောန် နာဲတဵု(တိုး) မိဂျဳ အာယုက် ၃၆ သၞာံဇါတိဍုၚ်လၟိုၚ် ပွိုၚ်ရေဝ် စၟတ်တ္ၚဲ ၂၀-၀၈-၂၀၁၃ဂှ် ဒးဒုၚ်ရ ပ်လဝ် ဒၞာဲ(ကေတဗါလေမ်) မဒှ်ရ။
မၞုံယၟု နာဲသာန် (ဗၠာဲသြန်) မဒှ်ကောန် နာဲတိၚ် - မိပါၚ် အာယုက် ၂၉ သၞာံဇါတိကွာန်သၚ်ကၠံ ပွိုၚ်ကျာ်မြဟ် စၟတ်တ္ၚဲ ၁၃- ၀၁ -၂၀၁၃ ဒးဒုၚ်ရပ်လဝ်ဒၞာဲဒေသဆာန်လောန် (အလဿတာ)မဒှ်ရ ။ မၞုံယၟု နာဲတေန်သဵုမဒှ်ကောန် နာဲစေန်ဘေ-မိဝုတ် အာယုက် ၃၉ သၞာံဇါတိကွာန်ကံဍောတ် ပွိုၚ်ဍုၚ်ရေဝ် စၟတ်တ္ၚဲ ၂၀-၀၈-၂၀၁၃ ဒးဒုၚ်ရပ်လဝ်ဒေသဗါလေမ် မဒှ်တုဲမၞိဟ်ထပှ်တၠဝွံဒၞာဲညး ကဵုညး ဒးဒုၚ်ရ ပ်လဝ်တုဲအခိၚ်မံၚ်ပ္ဍဲထံၚ်လေဝ်ဟွံတုပ်ညးသ္ကံဒးဒုၚ်ဘဲပျဲပျာံလေဝ် ဟွံတုပ်ညးသ္ကံဗီုနာဲအံၚ်မန်ဟီုဂှ်တှေ် မံၚ်ဒၟံၚ်ပ္ဍဲထံၚ် တေံစကီု-မံၚ်ကီု ဍန်ဂြက်ကွေံကွေံကီုလေဝ် မိက်သ္ဂောံဂွံကာဒ် UNHCR တုဲဒုၚ်ခဳအေၚ်ဒုၚ်လဝ် သီုဒးလဝ်လေံၜဝ် မွဲတဲၜါတဲ နွံကီုရ- လၟုဟ် ပိုဲဗၠးကၠုၚ်နူထံၚ်ဏံ ဟိုတ်နူပိုဲမၚ်ကေတ် ကာဒ် UNHCRတုဲလအ်အာလေဝ်ဟီုဂွံ -ရဲလ္ၚဵုဂှ် မၚ်ဟွံမာန်တုဲစဴအာကဵုက္ၜၚ်ကျာတှေ် ဂွံတိတ်ပြဟ်ကွေံရ ဆးဂးဒး ကဵုသြန်ၚုဟ်က္ၜၚ်ကျာဏီတိုန်ကၠုၚ်ပၠန်ရတော်အာတှေ် အိုတ်ဂၠိုၚ်နူပိုဲဏီ -ပိုဲလေဝ်ဘိုၚ်ကဵုမံၚ်ဇြဟတ်ရညးတအ်ဟွံဒုၚ်တဲတှေ် ပိုဲလေဝ်ဟွံမိ က် ဟီုရ”သာ်ဝွံညးဆက်ဟီုရ။
လတူပိုဲဗၠးတိတ်ကၠုၚ်ဏံကီုဂွံကာဒ် UNကီု-ဇြဟတ်ကသပ်ပိုဲသၟးဟွံသေၚ် ဗွဲတၟေၚ်နူဂကောံဟံၚ်ပြာ်မန်တံကဵုကၠုၚ်ကသပ် ကဵုအရီုဗၚ်တုဲမှ ပိုဲိ ဒှ်တသိုက်မာန် ဗီုဏံလေဝ်ဟီုဟွံဗၠေတ်ရသာ်ဝွံအဲညာတ်သာ်ဏံတုဲမိက်ဂွံတၚ်ဂုဏ်ကဵုဂကောံဟံၚ်ပြာ်မန် ဍုၚ်မလေဝ်ယှာတအ် ဇြိုဟ်ဟ်န က်က်ရ’လအ်ပိုဲဂွံအာဒၞာဲပၠန် ဗီုလဵုဂွံကေတ်အဆက် ဂၠိက်ယါတ်တံလေဝ် ညးတအ်ဒုၚ်ကဵုဣဏံဂှ် ဒှ်ဇြဟတ်ပိုဲဇၞော်ဇၞော်မွဲတုဲ ဂုဏ်ဟံၚ်ပြာ်ဂှ် ပိုဲဒးစွံလဝ် လၟိုန်သာ်ဝွံနာဲမျဵုမျေတ် ဟီုလဝ်ကီုဂွံတီကေတ်ရ။ လအ်ညးတအ် သ္ဂောံဂၠာဲဒၞာဲဂွံကေ တ်အဆက်သ္ကံ ရဲညးတအ်ပၠန်ဂှ် ညးတံဇူဒမ်ဒၟံၚ်လတူဂကောံဟံၚ်ပြာ်မန်မဒှ်ရ။
0 comments:
Post a Comment