စပ်ကဵုလိက်ပရေၚ်ကဵုလညာတ် က္ဍိုပ်လိက်လတူတေံဂှ် နအလဵုအဲမိနန္ဒာ တိုန်စိုပ်လဝ်ကောံဓရီု ပရူဏံကီုတုဲ ဒှ်ခိုဟ် သွက်ဂကူပိုဲကီုဏေါၚ် အဲညာတ်စှေ်စိုတ်သာ်ဝွံတုဲ မိက်ဂွံပ္တိုန်ထ္ၜးဏာ လတူမုက်လိက် ပရိုၚ်”လိုက်ပိုဲ”ဝွံကီုရ။
ပ္ဍဲကဵုစၟတ်တ္ၚဲ ၂၄-၀၇-၂၀၁၄ နူဂယး ၉:၀၀amဂှ် ဌာနUNHCR တအ် က္ဍိုက်က္ဍိုပ်တုဲသွက်ဂွံပသောၚ်ထ္ၜး ကိစ္စယဲတံဂှ် ဘိက်ကော်လဝ် နူဂကောံကောန်ဍုၚ်အရၚ် IAD ပုဂ္ဂလိကတံ ပါလုပ်တိုန်စိုပ်ကီု မဒှ်ရ။
အဓိကပ္ဍဲပေါဲကောံဓရီုဝွံ မိက်ဂွံပသောၚ်ထ္ၜးပရူယဲကဵုပရေၚ်ကောန်ၚာ် ဒးဒုၚ်ဍဵုဍိုက်တံ ကဵုဖျုန်ဂၠိုၚ်တုဲ ပရေၚ်ဂီုကၠီုတံပရေၚ်ပညာတံလေဝ် ညးတအ်ပသောၚ်ထ္ၜးဏာဗွဲမဂၠိုၚ်ဂၠေၚ် ဂွံတီကေတ်ရ။
ယဲဆေၚ်စပ်တအ် နွံဒၟံၚ်ဂၠိုၚ်ကဵုလၟိဟ်ဂကူဂှ် ညိတအ်ပသောၚ်ထ္ၜးညိညဇြိုၚ်တုဲ “ယဲ ကြပ်ကဵုလမျီုအိုတ်သွက်မၞိဟ်ဗြဴတအ်ဟီုတှေ်” ပွမသၠးဂဝ်ဂၞဴဂှ် မိက်ဂွံပတိုန်ထ္ၜးဏာကၠာရ။
ပ္ဍဲကၟိန်ဍုၚ်မလေဝ်ယှာ(ဝါ) လတူဍုၚ်မလေဝ်ယှာဏံ ကုညးမရပ်လဝ်ကာဒ် (UN)တံဂှ် ကာလပ္တိုန်ပဋဳသန္ဓိကလိဂွံယဲဒိုက်မ္ဂး အခိုက်ကၞာသၞောဝ်ဥပဒေဍုၚ်ဏံမ္ဂး ဇၟာပ်မၞိဟ်ဗြဴကလိဂွံယဲဒိုက်မ္ဂး ဂပ်ဝ်ဒးပအပ်ဗုၚ်ဂၞဴ လတူရုၚ်ဂဥုဲမွဲမွဲဒၞာဲရောၚ်။
ကုညးလၞုဟ်ကဵုပအပ်ဗုၚ်ဂၞဴမ္ဂး ကာလယဲဒိုက်တအ် ကြံၚ်ဍုတ်ကၠုၚ်မှ ပအပ်တှေ် ဒှ်အန္တရာဲမာန်ဒၟံၚ်ရောၚ် ။ဥပမာ ကောန်ၚာ်တန်ဒၟံၚ်ပ္ဍဲဗုၚ်ဂၞဴတေံဂှ် ခိုဟ်မံၚ်ဟာ?ယဲမံၚ်ဟာ? ဒၟာနူဟွံစမ်လဝ်ဆီတုဲ သဝ်ဝန်တံလေဝ် တီကေတ်သွဟ်ဟွံမာန်သက်က်ရ။ ဟိုတ်ယဲမွဲမွဲလအ်အာကဵုဒှ် တီလဇုဲမ္ဂး လွဳလေဝ်ဝါတ်ဂါတ်တဴဗွဲမလောန် ၆၀%က္ဍိုပ်ကၠံ မၞိဟ်တၠဂဝ်ဂၞဴတအ် Anemia နွံဒၟံၚ်ဂှ်လေဝ်ဂွံတာဒၞာဟွံမာန်ဒှ်ကၠုၚ်လေပ်ရ၊တုဲပၠန် နကဵု ခၟဲဆီသာ်ဗကေတ်(သွေးနီဥ)အောန်ကၠုၚ်တုဲ ထေက်ကဵုဒးစစၞသုၚ်ဓါတ်ဖလေဝ် (ဖှေ်လစ်အက်ဆစ်) ကီု ဂဥုဲမ ဆေၚ်စိုပ်ကဵု ဂဝ်ဂၞဴဂှ်ကီု ယဝ်ခါရ ဟွံဒှ်ကၠုၚ်မ္ဂး ယဲဆီလောန်ဒှ်ကၠုၚ်တုဲ ဒှ်အန္တရာယ်ဘဲဇၞော်ဒးအိုတ်လမျီုမာန်ရောၚ်။ ကောန်ၚာ်သၠးပတိတ်နၚ်ပၠန်လေဝ် နကဵုအဆက် Anemia (ယဲဆီလောန်)ဂှ်တအ် ပါဗက်ကၠုၚ်နူဆီမိဂှ်တုဲ ဟွံထတ်အာယုက်ဒှ်ကၠုၚ်မာန်တုဲ ဂွံဂျိုၚ်လမျီုပၠန်ဂှ်ဇြိုၚ်သန်တဴဗွဲမလောန်ရ။၊ ဟိုတ်ဂှ်ရ ညးဗြဴကလိဂွံယဲဒိုက်ဂၞဝ်ဂၞဴတအ် စွံသတိအိုတ်ညိ။
လၟေၚ်စဵုဒၞာ
(၁) ကလိဂွံဂဝ်ဂၞဴ။ ။ လအ်အိုတ် ပွိုၚ် ၄ ဂိတု ဒးပအပ်ဂဝ်ဂၞဴကေုာံစမ်ဆီ။
(၂) ဒၞာဲပအပ်ဂဝ်ဂၞဴ။ ။ ရုၚ်ဂဥုဲ (MCH)ဟွံသေၚ် ဒၞာဲကြပ်ကဵုဗွဳဗွိုၚ် ဒၞာဲဇကုတန်တဴ-ဒၞာဲဇကုမံၚ် မာန်ရောၚ်။
(၃) ဌာန်ဒၟံၚ်ဇကုဍိုက်က်ပေၚ်ၚ် ဒးသမ္တီလဝ်ရောၚ်။
(၄) ။ ။အခိၚ်သၠးပဋိသန္ဓိမ္ဂး မၞိဟ်ဒုၚ်လျိုၚ်ထပက်စၟတ်တဲရောၚ်။
(၅) ။။ ဟွံကၠးစိုတ်မ္ဂး သၟာန်ကေတ်မာန်ရောၚ်။
တ္ၚဲသၟာန်သၟုက်မာန် တ္ၚဲစန်-တ္ၚဲဗုဒ္ဓဝါ-တ္ၚဲသိုက် ဌာန UNHCR သွာၚ် IAD / phone 03 21417625
တုဲပၠန်နကဵုကောန်ဒှ်ဒဒိုက်ရာန်ကေတ်ဒၟံၚ်လိက်တၞးဒုၚ်လျိုၚ် ပရေၚ်ထတ်ယုက်လမျီုဇကုဂှ်လေဝ် နကဵုဌာနUNတအ်ပ္တိတ်လဝ် ၆ဘာသာနွံတုဲ သၟာန်ကေတ် IADမာန်ရ၊ သွက်ရီုဗေၚ်ညးတအ်ဒးရီုဗေၚ်ထေက်ဂှ် နကဵုဖုၚ် တ္ၚဲစန်ဗုဒ္ဓဝါ သိုက် ဗၞတ်ပိတ္ၚဲ သေၚ်ပ္ဍဲကဵုရုၚ်UNCHRဂှ်သၟာန်မာန်ကေတ်မာန်ကီုရ IAD Fax 03-21417625
BID ဌာနပရေၚ်စဵုဒၞာကောန်ၚာ်
ဆေၚ်စိုပ်ကဵုပရေၚ်စဵုဒၞာကောန်ၚာ်ဟီုဂှ် နဒဒှ်ကောန်ၚာ်ဒးဒုၚ်စကာလဝ်နဲအဓမ္မကီု နဲကရေပ်ဓရတ်ကီု ပွဒးဒုၚ်ၜုၚ်တက်ပျဲပျာံကီု
ဒးဒုၚ်ပလီုပလာ်ကီု ဒးဒုၚ်လီလဝ်လတူဘပဠတအ်ဂှ် နူကဵုရုၚ်UNCHR ဌာနBIDတအ်ရီုဗၚ်ကဵုၚ်ဍိုက်က်က်ပေၚ်ၚ်
(က) ကောန်ၚာ်မၞိဟ်ရံၚ်ဟွံမွဲ မိမယာဲတဟွံမွဲ
(ခ) ကောန်ၚာ် ဒးဒုၚ်ပျဲပျာံ အကြာမိမ ပွမၜုၚ်တက် နဓဇန်ဓဇန်
(ဂ) ကောန်ၚာ်က္တဵုယဲနာနာ
(ဃ) ကောန်ၚာ်အာတ်စအကြာဂၠံၚ်ဍာန်
(ၚ) ကောန်ၚာ်ဒးဒုၚ်သွံစလဝ်ကီု ဒးဒုၚ်လီကော်ပၞုက်လဝ်ပ္ဍဲသ္ၚိတံကီု ကောန်ၚာ်အာယုက်ဟွံပေၚ် ၁၈ ဏီ ဒးဒုၚ်ထပ်တဲ နကဵုဘပဠဓရတ်ဓရေတ်(Child Massied)တံဂှ်လေဝ် နူကဵုဌာနရုၚ်UNCHRတအ်ကေတ်တာလျိုၚ်
တက်ကျာကဵုအလဵုသဳကၟိန်ဍုၚ်မလေဝ်ယှာတအ်ရောၚ်”ဂးလဝ်ကီုရ။
မိနန္ဒာ
0 comments:
Post a Comment