ကွးဘာဟံၚ်ြပာ်မန်ပိုဲ သွဟ်လိက်သ္ကုတ်လ္ဒောဝ်သၞာံ (Mid Term) တုဲရဂးတုဲ အတိုၚ်ကၠောန်ဒၟံၚ်လၟေၚ်ၚ်သၞာံ ကောံဓရီုလှာဲဂတးလညာတ်ကုမိမကွးဘာ တံဂှ် ပ္ဍဲစၟတ်တ္ၚဲ ၁၈ ဂိတုမေ သၞာံ ၂၀၁၄ ဏံ မ္ဒးကၠောန်သ္ပဏာမွဲဝါပၠန်ရ။ ပ္ဍဲကဵုပေဲါကောံဓရီုလှာဲဂတးလညာတ် မကၠောန်ဗဒှ်ဏာ ပ္ဍဲဘာပရေၚ်ပညာ ကောန်ၚာ်ဟံၚ်ြပာ်မန်ဝွံ မိမကွးဘာ ကေုာံ ညးဍုၚ်ကွာန်တံ ဗၞတ်ၜိုတ် ၄၀ တၠပြၚ်ၚ်တိုန်စိုပ်တုဲ အခိၚ် ၁၂ နာဍဳလ္ဒောဝ်တ္ၚဲဂှ် ပံက်ဏာအသေဟာန်တုဲ အ္စာၝောံမိသိုက်ဉာဏ် ရေၚ်တၠုၚ်ဏာနဒဒှ် သ္ကိုပ်အသေဟာန်ရ။ ပ္ဍဲပေဲါလှာဲဂတးလညာတ်ဝွံ သ္ပပဓါန်ကဵုဂအုပ်ဘာအ္စာၝောံ မိနန္ဒာတုဲ နာဲသာၚ်ဝဏ္ဏ၊ နာဲအကးပေၚ်၊ နာဲမြဟ်စိုတ်၊ နာဲတၠမန်ဟံသာတံ ရေၚ်တၠုၚ်ဏာနဒဒှ်သဘာပတိရ။ ပ္ဍဲပေဲါလှာဂတးလညာတ်ဝွံ သောၚ်က္လးဏာ အစီဇန်သွက်ဂွံကၠောန်အာအဓါန်ဂတ စပ်ကဵုပရေၚ်ပညာ ကောန်ၚာ်သၟတ်တံဏံတုဲ ၚုဟ်မးပညာ ဗီုဇၞော်သၠုၚ် ပညာနွံမ္ဂး ဗီုကမၠောန်စိုပ်တရဴ စိုပ်ဒတုဲတံဂှ် သောၚ်က္လးဏာကုမိမကွးဘာတံတုဲ လ္တူကောန်ဇာတ်ဇကုဃောမကတ်ဒၟံၚ်ပညာဂှ် နဒဒှ်မိမမွဲတၠ ညံၚ်သ္ဂောံစွံစိုတ်လေပ် ညံၚ်သ္ဂောံစွံစိုတ်ဒးဂှ် သီုလးဏာကဵုဂၠံၚ်လညာတ်ပရေၚ်ပညာတုဲ မွဲအဆက်ဓဝ် မိမကွးဘာတံလေဝ် ဗီုလညာတ်ညးတံနွံ လ္တူဘာကောန်ၚာ်ဏံဂှ် ညးတံပတိုန်ထ္ၜး သၟာန်သၟုက်အာညးသ္ကံတုဲ ၜိုတ်အခိၚ် ၃ နာဍဳသဝ်တ္ၚဲ ပေဲါကောံဓရီု လှာဲဂတးညာတ်ကုမိမကွးဘာ သၞာံ ၂၀၁၄ ဂှ် တုဲဒှ်အံၚ်ဇၞးအာဗွဲမမိပ်မြဟ်ရ။
0 comments:
Post a Comment