ကွဳစက်ဇီုဒးတုဲ ကောန်မန်ၜါတၠ စိုပ်ဒၟံၚ်ရုၚ်ဂဥုဲ ကေုာံ အာတ်မိက်ညးတၠသဒ္ဓါ

ပ္ဍဲဍုၚ်မလေဝ်ယှာ ဒေသဣပဝ် ကွဳစက်ဇီုဒးတုဲ ကောန်ဂကူမန်ၜါတၠ စိုပ်မံၚ်ရုၚ်ဂဥုဲ  HOSPITAL RAJA PERMAISURI BAINUN, JALAN  IPOH 30990  သာ်ဝွံ နအလဵုဥက္ကဌဂကောံဟံၚ်ပြာ်မန် နာဲသာၚ်ဝဏ္ဏ အာဆဵုဂဗလဝ်တုဲ ဂွံတီကေတ်ရ။ ညးမစိုပ်ဒၟံၚ်ရုၚ်ဂဥုဲၜါတၠဝွံ ဒှ်သမ္ဘာကဵုတၠသ္ၚိညးတံရ။ တြုံမၞုံယၟု နာဲချေတ်ဏူ သမ္ဘာမိၚိုဲယျ ကလိဂွံအာယုက် ၄၀ သၞာံပြၚ်ၚ်တုဲ သီုမၞိဟ်ၜါတၠဂှ် ဒှ်ဇါတိကွာန်တံၚ်ဥု(တ္ကံခၟိုၚ်) ပွိုၚ်ဍုၚ်ၜါသွာၚ်ရ။ တြုံကဵုဗြဴၜါတၠဝွံ နူကဵုသၞာံ ၂၀၁၃ ဂိတု ဒဳဇြေန်ဗာဂှ် စိုပ်ကၠုၚ်ဍုၚ်မလေဝ်ယှာဏံတုဲ တြုံတၠသ္ၚိညး ကၠောန်မံၚ်ကမၠောန်ရုၚ်လွဳစာၚ် သမ္ဘာညးဂှ် ကၠောန်ဒၟံၚ်ဆေၚ်စသုၚ် ဂွံၜိုတ် ၆ ဂိတုပြၚ်ၚ် ပ္ဍဲအရာပ်ဂူလာဂွါန် ဣပဝ် (Kuala Kuang, Ipoh) ရ။

စၟတ်တ္ၚဲ ၁၇-၀၅-၂၀၁၄ ဗ္တံ ၈ နာဍဳပြၚ်ၚ် ပ္ဍဲအခိၚ်စဴကၠုၚ်နူသ္ၚိရဲညးတေံတုဲ ကြပ်စဴဒၞာဲညးတံဂှ် အဃောတတ်ဂၠံၚ်ပန်သွာၚ်ဂှ်ရ သီုကွဳလိုန်ဓါတ် သီုမၞိဟ်ပြးဇး ဝိုဟ်ဒၟံၚ်ဇိုၚ်ဂၠံၚ်ဂှ်ရ။ အတိုၚ်သေဌဳၝောံညးလဴထ္ၜးကဵု ကောန်ကမၠောန်ညးတံမ္ဂး “အဲစဴကၠုၚ်နူရာန်ဖျာတုဲ စိုပ်ဂၠံၚ်ပန်သွာၚ်ဂှ် အဲညာတ်မံၚ်ဂၞန်ကွဳလိုန်ဓါတ်တုဲ အဲလုပ်အာကျောဝ်ဂှ် ဒှ်မံၚ်ကောန်ကမၠောန်အဲတုဲ အဲကော်ဗၠာဲသၟိၚ် ပတိုန်ဏာရုၚ်ဂဥုဲရ” သာ်ဝွံ သေဌဳၝောံညးဟီုထ္ၜးလဝ်ရ။

ပ္ဍဲစၟတ်တ္ၚဲ ၁၉ ဂိတုမေဂှ် နူသ္ကံရဲညးတံ ကလေၚ်ကေတ်အဆက်ကဵု ဂကောံဟံၚ်ပြာ်မန်တုဲ ညးလျိုၚ်ပရေၚ်ထတ်ယုက် နာဲထောန်န် ကေုာံဥက္ကဌဂကောံဟံၚ်ပြာ်မန် နာဲသာၚ်ဝဏ္ဏ အာဆဵုဂဗလဝ်ကီုတုဲ “ပရေၚ်ဒးဒုၚ်လဝ်ဝပ်ဗွဲမဂၠိုၚ်တအ်ဂှ် ညံၚ်ဂွံသက်သာ ၜိုတ်ပိုဲရီုဗၚ်သ္ပမာန် ပိုဲရီုကဵုဏောၚ် မုလ္ပဂွိၚ်” သာ်ဏံ ညးလျိုၚ်တံဟီုလဝ်တုဲ တ္ၚဲဏံ စၟတ်တ္ၚဲ ၂၄ ဂိတုမေ ၂၀၁၄ နူဂယးဂှ် ဥက္ကဌ နာဲသာၚ်ဝဏ္ဏ ကေုာံနာဲကယျိုၚ်မန် အာဆဵုဂဗပၠန်တုဲ သမ္ဘာညး မိၚိုဲယျ ဟီုအရေဝ်ဂွံညိည စှေ်နူရုၚ်ဂဥုဲတုဲ သၟာန်အာပၟိက်ဆန္ဒညးညိညဇြိုၚ်သာတုဲ စရိတ်ညးစှေ်နူရုၚ်ဂဥုဲဂှ် အိုတ်အာအကြာ RM 3000 ရေန်ဂေတ်ပြၚ်ၚ်တုဲ နူဂကောံဟံၚ်ပြာ် ကဵုလဝ်သြန်ထံက်ပၚ် RM 1000 ရေန်ဂေတ်ကၠာရ။ ​သှေ်ၜက်မံၚ်တြုံတၠသ္ၚိညး ဟီုအရေဝ်ဂွံတိုန်ညိည လတူရုၚ်ဂဥုဲတေံ  သြန်ၜိုတ်မူစိအိုတ်ပၠန်ရောဂှ် ဟွံဂွံတီကေတ်ဏီရ။

စိုပ်အာဘဝတဲကဝ်ဇိုၚ်ကဝ် ဂကူမန်ၜါတၠ နာဲမျေတ်ဏူ ကေုာံ သမ္ဘာမိၚိုဲယျ ဒဒိုက်ညးၜါတၠဝွံ ဟၟဲကဵုသ္ကံရဲခိုဟ်ဟ် ဟၟဲကဵုသေဌဳချိုတ်တ်ပၠိုတ်တ် ဟၟဲကဵုမသကလောကောဒေံ ဟၟဲကဵုကောန်ဇာတ် ညးလွဳဝတ်ရံၚ်စံၚ် သီုဟၟဲကဵုဇြဟတ်ကာယထတ်တ်မြက်က် အဝဲလေဝ်ဇၞော် ဒှ်ယဵုယဵုလ္ဂူလ္ဂူမွဲတုဲ ဂပ်ဝ်ထေက်ကဵုဒးဆာန်ဍူ ညးတအ်ဗွဲမလောန်တုဲ နူကဵုဂကောံဟံၚ်ပြာ်မန်လေဝ် ၜိုတ်သၟဟ်အစောံ ၜိုတ်သ္ပမာန် နကဵုဇြဟတ်သြန် နကဵုဇြ ဟတ်ကာယ ညံၚ်ဂွံသက်သာ ရေၚ်တၠုၚ်ဒတုဲလဝ်ဖဵုဗွဲမဂၠိုၚ်ဂၠေၚ်ဂှ် ဟွံရုံဂပ် ဟွံဍိုက်ပေၚ်ဏီရ။ “ဒၞာဲဟွံဍိုက်ပေၚ် သှေ်မံၚ်တံဂှ် ပိုဲဒုၚ်ဒါန်နူညးတၠသဒ္ဓါတှေ် ခိုဟ်ဟာဟွံတီ” သာ်ဝွံ  ဥက္ကဌဂကောံဟံၚ်ပြာ်မန် နာဲသာၚ်ဝဏ္ဏ ကေုာံ ဥက္ကဌဂကောံပံၚ်ကောံမန်မလေဝ်ယှာ နာဲအကးပေၚ် ပ္တိုန်ဂလာန်ကဵုကသပ်လညာတ်ခိုဟ်ဟ် သာ်ဝွံတုဲ နူညးတၠခန္ဓတံလေဝ် ရောံရောံဓညဓည ဒုၚ်ဏာတၚ်တုပ်စိုတ် နူဇရေၚ်တၠသဒ္ဓါတံကီုရ။

ဟိုတ်ဒှ်သာ်ဂှ်ရ အိုတ်ကဵုဂကူမန် စိုပ်ဍုၚ်မလေဝ်ယှာတံညးဂမၠိုၚ်အဴ------

အကြာမရုန်ဂ္စါန်ပရေၚ်ဗုၚ်ဂၞဴ အကြာဒဒိုက်ဘဲနာနာတံဂှ် နွံဒၟံၚ်ညးညးအဲအဲရ။ ကံပရိုက် (၄) သာ်ဂှ် ညးမွဲလေဝ် ပါဲဗၠးတိတ်ဟွံမာန်ဍာံဍာံတုဲ ညးမွဲကေုာံညးမွဲ ထေက်ကဵုဒးကဵုအရီုဗၚ်လေဝ်ကီု ညးတအ်မၞိဟ်ၜါလေဝ် ဒှ်ဆီဇါတိ ဂကူမန်ဇေတ်တ်မွဲကီုတုဲ သြဝ်ဆာန်ဍူဘဝညးတံတုဲ ကဵုအရီုဗၚ်အိုတ်ညိဂှ် မိက်ဂွံဆဝ်မ္ၚုဟ်ဏာရအဴ-----

မွဲသာ်ပၠန် လတူဍုၚ်မလေဝ်ယှာဏံ ဂွံအာတ်ဒုၚ်ဒါန်သြန်ဗီုဗီုဏံဂှ် ဒှ်အလန်ကိုပ်ကၠာအိုတ်တုဲ လတူကသပ်လညာတ်ခိုဟ် မံက်ကၠုၚ်ဗီုဗီုဏံဂှ် ဒှ်ဂုဏ်ဖဵုသွက်ညးတအ်မၞိဟ်ၜါတၠ သၟးဟွံသေၚ် ဗွဲတၟေၚ် အနာဂတ်ဂတတေံလေဝ်      ဍေံဒှ်ကၠုၚ်ဂုဏ်ဖဵု သွက်ဂကူမန်ပိုဲဍိုက်က်ပေၚ်ၚ် ဒှ်ဂၠံၚ်တရဴခိုဟ်မွဲရ။ လတူဂၠံၚ်တရဴဝွံ နအလန်ပထမ ညံၚ်ဂွံအံၚ်ဇၞးမာန်ဂှ် ဗွဲလၟေၚ်မေတ္တာ   ဘိုၚ်ကသေံကၟဝ်ဏာရအဴ----- 

နွံပၟိက်ရီုဗၚ်ထံက်ပၚ်ကီု မိက်ဂွံတီသောဲသောဲဗြဲဗြဲဏီမ္ဂး ကေတ်အဆက်-

• နာဲနာၚ် (ဒံၚ်ဥု)                                        013 457 122
• ဂကောံပံၚ်ကောံမန်မလေဝ်ယှာ                      039 224 7080
• ဂကောံဟံၚ်ပြာ်မန်                                    032 144 4404
• ဂကောံသၟတ်မန် (တိဍာ်ဗၠးၜး) သ္ကုတ်မလေဝ်ယှာ  014 334 9456
• ဂကောံညးဗြဴမန်                                       014 348 3541