အဓိကကိစ္စစှေ်ပရေၚ်စန္ဒက်ဝွံ ရန်တၟံသွက်သ္ဂောံကဵုအရီုဗၚ်လတူသၟာကမၠောန်ကောန်ဂကူမန် သွက်ဂွံပံက်မတ်သၠုၚ်ပတိုန်စိုတ်ဓါတ်ကောန်ဂကူတုဲ (၁) ပရေၚ်ပညာ(၂) ပရေၚ်ထတ်ယုက်(၃) ပရေၚ်ဂီုကၠီု(၄) ပရေၚ်ကာဒ်(MRO) (၅) ပရေၚ်ဂကူ -ဂကောံ (၆) ပရေၚ်ဘသာ (၇) ပရေၚ်ဝိဝိၚ်ၜူမာဲ မပ္တံထိၚ်ဒဝ်အခိုက်ကၞာယေန်သၞာၚ်တအ်လေဝ် ပါလုပ်ဟီုတွံ ပသောၚ်ထ္ၜးကီု ဂွံတီကေတ်ရ။
စၟတ်တ္ၚဲ ၂၂ ဂိတု သာပ်တေန်ဗါ အခိၚ်နူဂယး ၁၁းဝဝ နာဍဳဂှ် စပံက်ဏာအသေဟာန် ဟီုတွံဒေသဂိရိ ဒၞာဲကၠတ်ထၜိုတ် မဒှ်ရ။ ကၠအ်ထၜိုတ်ဝွံ နာဲမေန် ဇါတိကွာန်ယိုက် ဒှ်က္ဍိုပ်ကမၠောန်တုဲ နကဵုဇြဟတ်မၞိဟ်တိုန်စိုပ် ၆၀ တၠပြၚ်ၚ် မဒှ်ရ။
စၟတ်တ္ၚဲ ၂၃ ဂိတု သာပ်တေန်ဗါ အခိၚ်နူဂယး ၁၀းဝဝ နာဍဳပြၚ်ၚ်ဂှ် နာဲသု ဇါတိကွာန်ကြုက်ပိ အာဂတပၠတရဴတုဲ ကၠောန်သ္ပအသေဟာန်ဇရေၚ်ကၠအ်သေဌဳ နာဲဟလာ (တမာန်ဝါရာထွာၚ်) နကဵုဇြဟတ်မၞိဟ်တိုန်စိုပ် ၄၀ တၠပြၚ်ၚ်ကီု မဒှ်တုဲ ပ္ဍဲအခိၚ်မရုပ်သီကၠေံအသေဟာန် သီုၜါဒၞာဲဏံ ဗွဲတၟေၚ်စိုတ်ဓါတ်ညးတအ် ပြံၚ်သၠာဲအာလ္ပာ်ပရေၚ်ဍုၚ် ပရေၚ်ကွာန် စိုတ်ဓါတ်ထံက်ပၚ်ဂကူ စိုတ်ဓါတ်ထံက်ပၚ်ဂကောံ ကၠးကၠုၚ်တၟာဂလိုၚ်ဏောၚ် သာ်ဝွံ နာဲကယျိုၚ်မန် ပါ်ပါဲဆိၚ်ဆခါတ်အကာဲကေတ်ညာတ်လဝ်သာ်ဝွံရ ။ ဂတနူဏံ သွက်ဂွံဟီုတွံ ပရေၚ်စန္ဒက်ဗီုဏံမာန်ပၠန်ဂှ် ညးတအ်ကလေၚ်ပဠေဝ်ပလေတ်အာတုဲ မပ္တံတ္ၚဲကောန်ဂကူမန် တ္ၚဲဟံသာဝတဳလီုတအ် ဒေသညးတၞဟ်ကၠောန်တှေ် ပိုဲလေဝ်နကဵုစိုတ်ဓါတ်ဆာန်ဂကူ ညံၚ်ဂွံကၠောန်မာန် ဆက်ဂ္စာန်အာဏေါၚ် ဠတေံမ္ဂး ပိုဲဘိက်ကော်ဏေါၚ် ညံၚ်ဂွံဒှ်ကၠုၚ်ဒေသဏံမာန်ဂှ် လ္ပာ်ဒေသဂိရိတေံတှေ် နာဲလေ ဇါတိကွာန်ကောန်ဒုန် က္ဍိုပ်ကမၠောန် နာဲမေန် ဇါတိကွာန်ယိုက်(ခၟိုၚ်) မိညောအ် ဇါတိကွာန် ကောန်ဒုန် ကေုာံလ္ပာ်ဒေသဏံပၠန် နာဲသု ဇါတိကွာန် ကြုက်ပိ၊နာဲဟလာ၊နာဲထောန်နာၚ်တအ် ပတိုန်ထ္ၜးဂလာန် အာတ်မိက်သွက်အနာဂတ်ကဵုပရေၚ်ဂကူဒေသကၠအ်ထၜိုတ်ဏံ ညံၚ်ဂွံကၠောန်ချီဒရာၚ်မာန် မိပ်ပ်မြဟ်ဟ်ဟီုဗ္ကန်လဝ်နွံ မဒှ်ရ။
0 comments:
Post a Comment