သၟာကမၠောန်ကောန်ဂကူမန် မွဲတၠ ဆၚ်စှေ်နူသ္ၚိတိုက်တုဲ မဒးစုတ်တိအာ

 

ဂၞန်ကာဒ် MRO 8694
ဂၞန်ကာဒ် UNHCR 791-13C09140
                          မၞုံအာယုက် ၂၄ သၞာံ နာဲလေန်ဝွံ မဒှ်ကောန်ဗၠာဲ နာဲထိုက် မိခေန်မာချဵု ဇါတိကွာန် တဝ်ကၞဴ (က္တံခၟိုၚ်) မဒှ်တုဲ ပ္ဍဲစၟတ်တ္ၚဲ 31. 08. 2014 အခိၚ် နူဂယး ၁၀းဝဝ နာဍဳပြၚ်ၚ်ဂှ် ဟိုတ်နူအလဵုဇကုညး ဆၚ်စှေ်နူသ္ၚိတိုက် ၁၈ ထပ်(ဒေသဇြောမ်ဂါန်ဝေ)တုဲ မဒးစုတိ လမျီုအိုတ်အာရောၚ် ဂွံတီကေတ်ရ။
အခိၚ်ဂွံမိၚ်ကေတ်ပရိုၚ် နာဲလေန် စုတိအာဏံဂှ် စၟတ်တ္ၚဲ ၃၁ ဂှ်ရ  နူဗၠာဲသၟိၚ်မွဲတၠ ဂၠာဲသၟာန်ကေတ်အဆက်တုဲ ကဵုနၚ်ပရိုၚ်ဂကောံဟံၚ်ပြာ်မန် မဒှ်ရ~ အခိၚ်ဝွံ အလဵုဥက္ကဌ ဂကောံဟံၚ်ပြာ်မန် နာဲသာၚ်ဝဏ္ဏ ဂၠိုက်ဂၠာဲစၟဳစၟတ်ကာဒ်တုဲ ဒဒှ်ရ ကောန်မန်ဍာံပြမံၚ်ဂှ် ဥက္ကဌဂကောံဟံၚ်ပြာ်မန် နာဲသာၚ်ဝဏ္ဏ တီကေတ်တုဲ မွဲဒမြိပ်ဓဝ် ဗလးဏာနာဲကယျိုၚ်မန်ကေုာံနာဲဝၚ်မန် အာဆဵုဂဗကဵုဗၠာဲသၟိၚ် ပ္ဍဲရုၚ်ဗၠာဲသၟိၚ်တအ်ရ။
နာဲလေန်ဝွံ ဒှ်ဇါတိကွာန်လဵု ကောန်ဇါတ်ညးဂှ် ကလောကောဒေံနွံဟၟဲညံၚ်ဂွံတီကေတ်မာန် ညံၚ်သ္ဂောံဂွံအဆက် မွဲအဆက်ဓဝ် နူဂကောံဟံၚ်ပြာ်မန် ကလေၚ်လလောၚ်ပြိုၚ် အကြာအန်လာၚ် (Facebook)မဒှ်ရ-ပရိုၚ်ဝွံ လလောၚ်ဏာတုဲဗက် လအ်ပွိုၚ် ၂ နာဍဳပြၚ်ၚ်ဂှ် ဖုၚ်ကလေၚ်ကၠုၚ်တုဲ နူကွာန်တဝ်ကၞဴ မသုန်တၠ စိုပ်ကၠုၚ်ရုၚ်ဟံၚ်ပြာ်မန် မဒှ်တုဲ သၟာန်လ္ၚတ်ရံၚ်ဝၚ် နာဲလေန် မွဲချိုန်ခဏရ။ အတိုၚ်ရဲကွာန်ညးတံဟီုဂှ် နာဲလေန်ဝွံ တိုန်စိုပ်ကၠုၚ်ဍုၚ်မလေဝ်ယှာဏံ နွံအကြာ ၄ သၞာံ မဒှ်ရ-ဒၞာဲကၠောန်ကမၠောန် ဒၞာဲမံၚ်ဇူဒီု ချိုတ်တ်ပၠိုတ်တ်ဟၟဲဏီရ ကၠောန်မွဲဒၞာဲ ထပှ်ဒ္စာံတ္ၚဲ လဆောဝ်မွဲဂိတု ဗီုဏံမဒှ်ရ-



သွက်သ္ဂောံပတိတ်ဇွ အလံၚ်နာဲလေန်ဝွံ ဒၟာနူကလောကောဒေံနာဲလေန် ဟၟဲပ္ဍဲဍုၚ်မလေဝ်ယှာဏံတုဲ နူကဵု ဂကောံဟံၚ်ပြာ်မန် ကေုာံ ဂကောံကွာန်တဝ်ကၞဴဂမၠိုၚ် ရေၚ်တၠုၚ်သွက်ဂွံစံၚ်ဇွ နာဲလေန် ပ္ဍဲစၟတ်တ္ၚဲ 03.09.214 မဒှ်ရ။