တ္ၚဲအဒိုတ် ၂၃ ဂိတုနဝ်ဝေမ်ဗါ အခိၚ်လဒေါဝ်တ္ၚဲဂှ် နအလန်ဒုတိယ ကၠောန်သ္ပကောံဓရီုတ္ၚဲကောန်ဂကူမန် ၆၈ ဝါ ဍုၚ်မလေဝ်ယှာအေအေလ် ဘာမန်ပူဒူပၠန်မဒှ်ရ။ ကောံဓရီုဝွံ စွံလဝ်အဓိက သွက်ဂွံပအပ်တဆိပ်ပဠောံ ကေုာံ လိက်သ္ကုတ်မာဲ သီုပေါဲပြိုၚ်ချူလိက် ကေုာံ ပေါဲပြိုၚ်ဟီုအရေဝ်ခိုဟ်တံ ပါလုပ်ရ။ ကောံဓရီုတ္ၚဲဏံ ကိစ္စပဠောံကဵုလိက် သ္ကုတ်မာဲတံဂှ် ပြေပြံၚ်အာတုဲ သွက်ဂွံလလောၚ်တြးပေါဲပြိုၚ်ချူလိက် ကေုာံ ပေါဲပြိုၚ်ဟီုအရေဝ်ခိုဟ်မဒှ်ရ။
တၚ်ပ္တဝ်က္ဍိုပ်ဆက်စပ် ပရူပရာချူမာန်
(၁) အလုံဂကူမန် ညံၚ်ဂွံညဳသၟဟ်ဒှ်မွဲ။
(၂) သွက်ဂွံက္လေၚ်ဗဂဵုလဟဵုပ္တိုန် အခိုက်ကၞာလိက်ပတ်ယေန်သၞောၚ်မန်။
(၃) အလုံဂကူမန် စိုတ်ဓါတ်ဆာန်ဂကူညံၚ်ဂွံကတိုၚ်ကၞဟ်တိုန်အာ။
အတိုၚ်တၚ်ပ္တဝ်က္ဍိုပ်ဗွဲလတူတေံဂှ် (သၟာၚ်နူကမ္မတဳကၠောန်ဗဒှ် ပေါဲပြိုၚ်လိက်ပတ်သ္ဘၚ်တ္ၚဲ
ကောန်ဂကူမန် (၆၈) ဝါ ဍုၚ်မလေဝ်ယှာတုဲ) ယြဴညးလဵုမွဲဟွံဟီုအတိုၚ်စဳပၞောန် ဗွဲသၟဝ်တေံဂှ် နကဵုဘာသာမန် လုပ်ပြိုၚ်ပ္ကာန်မာန်ဒၟံၚ်ရောၚ်။
ဗၞတ်ဗ္ၜတ်ချူမာန်
(က) ကဗျဂၠိုၚ်အိုတ်(၂၀)ပၞောန်။
(ခ) လိက်ပရေၚ်ဂၠိုၚ်အိုတ်(၇)မုက်။
(ဂ) ဝထ္ထုဂၠိုၚ်အိုတ်(၁၀)မုက်။
လာပ်ဂမၠိုၚ် - ကဗျ
ပထမ RM ၁၅၀ ၊ ဒုတိယ RM ၁၀၀ ၊ တတိယ RM ၆၀ ၊ သ္ဍိုက်စိုတ် RM ၅၀
လာပ်ဂမၠိုၚ် - လိက်ပရေၚ်
ပထမ RM ၂၀၀ ၊ ဒုတိယ RM ၁၅၀ ၊ တတိယ RM ၁၀၀ ၊ သ္ဍိုက်စိုတ် RM ၆၀
လာပ်ဂမၠိုၚ်-ဝထ္ထု
ပထမ RM ၂၅၀ ၊ ဒုတိယ RM ၂၀၀ ၊ တတိယ RM ၁၅၀ ၊ သ္ဍိုက်စိုတ် RM ၁၀၀
တ္ၚဲကၟာတ်တမ်လိက်
သက္ကရာဇ် ၁၃၇၆ သၞာံဂိတုမာ် (၈) မံက် တ္ၚဲအၚာ ၂၇-၀၁-၂၀၁၅ ဒှ်တ္ၚဲကၟာတ် တမ်လိက် စႊံလဝ်လက္ကရဴအိုတ်မဒှ်တုဲပလံၚ်ဗ္စိုပ် တမ်လိက်တံမာန်ရောၚ်၊ လာပ်ဂမၠိုၚ်တံဂှ်ပအပ် ကဵုပ္ဍဲလ္တူစၚ် တ္ၚဲကောန်ဂကူမန်မရနူက်ကဵု(၆၈)ဝါတေံမဒှ်တုဲ ကၠုၚ်ဟွံစိုပ်မ္ဂးပြၚ်ကဵုဏာရောၚ်၊ အိုတ်ကဵုညးဆာန်လိက်ပတ်ကီု သီုကဵုတၠပညာဂကူမန်ပိုဲကီု အ္စာကၞေဟ်တၟိ၊အ္စာကၞေဟ်တြေံ၊ကုညးဝါသနာတံဍောတ်ဇၞော်ဟွံရုဲလုပ်ပြိုၚ်မာန်ဖအိုတ်ရောၚ်။
လ္တူဏံ သွက်ဂွံကဵုလာပ်ထံက်ပၚ် အ္စာကၞေဟ်တၠပညာဂကူမန်ဂှ်သြန်ကီု၊စိုတ်ဓါတ် ဂိုဟ်လိက်ပတ်မန် ယဝ်ညးနွံကဵုသဒ္ဓါမိက်ဂွံထံက် ပၚ်စၟတ်သမ္တီကီုတှ်ေ ကဵုဒါန်ထံက်ပၚ်မာန်မံၚ်ရောၚ်၊ စနူအခိၚ်လၟုဟ်တၠပညာမန်တံကီု၊ ညးစိုတ်ဓါတ်ဆာန်လိက်ပတ်တံကီု၊လုပ်ပြိုၚ်အိုတ် ညိဂှ် မ္ဒးကသေံကၟဝ်ဏာဗွဲမရှ်ေသှ်ေရဴဂဴရအဴ။
တၚ်သမ္တီ
သြန်ကဵုလာပ်ကဗျ (ပ-ဒု-တ) ၃၆၀ ရေန်ဂေတ်၊ သြန်ကဵုလာပ်လိက်ပရေၚ် (ပ-ဒု-တ) ၅၁၀ ရေန်ဂေတ်၊ သြန်ကဵုလာပ်ဝတ္ထု(ပ-ဒု-တ) ရ၀၀ ရေန်ဂေတ်မဒှ်ရ၊ လ္တူဏံ ကုညးမၞုံကဵုစိုတ်ဓါတ်မၞိဟ်မွဲ တၠမ္ဂး ကလိဂွံအခေါၚ်ချူကဗျံလိက်ပရေၚ်ဝတ္ထုမွဲပိုဒ်ဟေၚ် မဒှ်ရ၊ တမ်လိက်တံဂှ် ကံက်ပ္တိတ်နူ နၚ်နူမွဲသၟာၚ်ဟႊံဂွံတုဲ တက်ကေက်ကဵုစက်ဟွံဒုၚ်တဲ-ချူကေတ်ဟေၚ်ဒုၚ်တဲမာန်ရ။
ဌာနပလံၚ်ဗ္စိုပ်တမ်လိက်မာန်
(၁) ရုၚ်ဟံၚ်ပြာ်မန် ကေအေယ် ၀၃ ၂၁၄၄၄ ၄၀၄
(၂) ရုၚ်ဂကောံမန်မလေဝ်ယှာ ၀၃ ၉၂၂၄၇၀၈၀
ကမ္မတဳကၠောန်ဗဒှ်တ္ၚဲကောန်ဂကူမန် မရနူက်ကဵု(၆၈)ဝါ KL ဍုၚ်မလေဝ်ယှာ
ညးတၠသဒ္ဓါထံက်ပၚ်
လတူပေါဲပြိုၚ်လိက်ပတ်မန်ကေုာံဟီုအရေဝ်ခိုဟ်
တ္ၚဲကောန်ဂကူမန် မရနူက်ကဵု (၆၈)ဝါ
လာပ်ဂမၠိုၚ်-ဝထ္ထု
(က) ဂကောံဟံၚ်ပြာ်မန် ဍုၚ်မလေဝ်ယှာကေအေလ် (ဒုၚ်လဝ်တဲ)
လာပ်ဂမၠိုၚ်-ကဗျ
(ခ) နာဲကယျိုၚ်မန် ကေုာံ မိမၞိက်ရတ် ကွာန်ဝါဂျဳ (ဒုၚ်လဝ်တဲ)
“သှ်ေမံၚ်လာပ်လိက်ပရေၚ် ကေုာံ ပေါဲပြိုၚ်ဟီုအရေဝ်ခိုဟ် သှ်ေမၚ်ဏီ''
အိုတ်ကဵုညးဆာန်လိက်ပတ်တအ်ညးဂမၠိုၚ်အဴ၊
ယဝ်မိက်ဂွံကဵုထံက်ပၚ် ပေါဲပြိုၚ်နာနာကီုမ္ဂး အကေတ်အဆက်ကဵုညး
တာလျိုၚ်ကဆံၚ်လတူတေံညိ။
ဗွဲမသြဝ်ပြဲ ကမ္မတဳကၠောန်ဗဒှ်တ္ၚဲကောန်ဂကူမန် (၆၈)ဝါ
0 comments:
Post a Comment