ကွးဘာမန် ၁၆ တၠ လုပ်ကေတ်လာပ် ကွတ်ခမ်ပျူတာ

        စၟတ်တ္ၚဲ ၂၈-၁၁-၂၀၁၄ တ္ၚဲသိုက် အခိၚ်လဒေါဝ်တ္ၚဲ ၁:၀၀နာဍဳပြၚ်ၚ်ဂှ် နူကဵုဂကောံ Community Technology Hues Program (THP) တံ က္ဍိုက်က္ဍိုပ်တုဲ ကၠောန်သ္ပအပ်ပြာပ် ဇိုန်ဏှၚ်ကဵုလာပ် ကုကွးဘာဂမၠိုၚ် ဒၞာဲ
(KG PANPAN SUKAN WPKL) မဒှ်ရ။
ကွးဘာလုပ်ကေတ်လာပ် ကွတ်ပညာခမ်ပျူတာဝွံ ဗွဲမဂၠိုၚ် ကၠုၚ်နူဂကောံကောန်ဍုၚ်အရၚ် မဖျေံသဇိုၚ်ဍုၚ်မလေဝ်
ယှာ ကောန်ညးဒှ်ဒဒိုက်ကၟိန်ဍုၚ်ဗၟာမဒှ်တုဲ ပ္ဍဲကွးဘာလုပ်ကေတ်လာပ် ကွတ်ခမ်ပျူတာ ၁၅၀ တၠပြၚ်ၚ်ဝွံ ကွးဘာ
ကောန်ဂကူမန်ပိုဲလေဝ် ကလိဂွံလာပ် ၁၆ တၠကီုသာ်ဝွံ ဖက်ဆောလျိုၚ်ဗ္တောန်ကွတ်ခမ်ပျူတာ မာံသဳဟဟီုထ္ၜးလဝ်ရ။
ကွးဘာမန်ဒုၚ်ကေတ်လာပ် ၁၆ တၠဂှ်တှေ် သွဟ်လဝ်ဘာသာ (Microsoft Office 2010) ဂှ် ၁၀ တၠ သွ္ဟလဝ်ဘာသာ
(Adobe Photoshop CS6) ဂှ် ၆ တၠမဒှ်တုဲ ယးသၞာံမ္ဂး ကွးဘာတံ ညံၚ်သ္ဂောံဂၠိုၚ်တိုန်ကီု ကွးဘာကောန်ဂကူမန်ပိုဲလေဝ်
ညံၚ်ဂွံစဳစောန်ပ္ဍဲကွတ်ခမ်ပျူတာဂှ် ၜိုတ်အစောန်စရာဲပိုဲနွံ ပိုဲဘိုၚ်ထ္ၜပ္တိုန်ဏောၚ် ရဴဝွံ ညးလျိုၚ်ဗ္တောန် ကွတ်ခမ်ပျူတာ
မာံဆာန်မန် ဟီုလဴထ္ၜးလဝ်ရ။