ညးတာလျိုၚ်ရုၚ်ဟံၚ်ြပာ်မန်တံ စှေ်ပရေၚ်စန်ဒက် ဒေသအလဝ်သတာ

စနူစၟတ်တ္ၚဲ 07/11//2013 စဵုကဵုစိုပ် 10/11/2013 ဂှ် ညးတာလျိုၚ်ရုၚ်ဟံၚ်ြပာ်မန် နာဲသာၚ်ဝဏ္ဏ (ဥက္ကဋ္ဌ)၊ နာဲပိုန်ဇဳ (ဖက်ဆောညးအုပ်ကာ)၊ နာဲဝၚ်တၟး (ဂီုကၠီု)၊ နာဲထောန်ထောန် (ထတ်ယုက်)၊ နာဲသဟ (အ္စာဘာ)၊ နာဲဉာဏ်ဆာဲ (အ္စာပရိုၚ်) ဗၞတ်ြတဴတၠတံ စှေ်အာပရေၚ်စန်ဒက် ဒေသအလဝ်သတာ ဒၞာဲ Kebung Kanyin, Naka, Lerbok Marbau, Gurun တေံရ။ ပ္ဍဲစၟတ်တ္ၚဲ-၈-ဂှ် ဂွံဆဵုကေတ်ကဵုကောန်ဂကူပိုဲဗၞတ်(၉၀)တၠ ပ္ဍဲ Kebung Kanyin တုဲ ညးတာလျိုၚ်ရုၚ်ဟံၚ်ြပာ်မန် နာဲသာၚ်ဝဏ္ဏ ဟီုတွံဏာပရေၚ်ချဳဒရာၚ် ရုၚ်ဟံၚ်ြပာ်မန်မပ္တံကဵု ကိစ္စကၠောန်ကာဒ်မန်၊ ကိစ္စပ္တိုန်စရၚ်ကဵု UNHCR ကေုာံ ပွမမံၚ်ကောံကောံ ကလောံကလောံဂှ် ၜိုတ်လဵုကိစ္စဇၞော်ကုမန်ပိုဲမတန်တဴပ္ဍဲဍုၚ်မလေဝ်ယှာဏံတုဲ နာဲထောန်ထောန် ဟီုတွံဏာ စပ်ကဵုပရေၚ်သ္အးဇ္ၚးဇကုဇကုတၞဟ်နစဵုဒၞာယဲ၊ ပရေၚ်ယဲဒိုက်ညးဗြဴဗြဴ ကေုာံ ဗီုပြဒ္ဒညာက္တဵုဒှ်မာန် စပ်ကဵုယဲနာနာတံရ။ ဆက်တုဲပၠန် နာဲပိုန်ဇဳ ဟီုတွံဏာပရေၚ်ဂီုကၠီု အတိုၚ်လိက်တၞး OPI ပ္တိတ်လဝ် အရာထေက်ကဵုသ္ပ ဟွံထေက်ကဵုသ္ပ ကိစ္စပ္ဍဲကာလဒးဒုၚ်ရပ် ကေုာံ နဲဂွံဟီုသ္ဂး ပ္ဍဲရုၚ်သၞောဝ်ဓဝ်တံတုဲ နာဲသဟ ဟီုတွံဏာစပ်ကဵုပရေၚ်အခိုက်ကၞာမံၚ်စံၚ် ညံၚ်ဂွံကိတ်ညဳကဵုဌာန်ဒေသတံဂှ်တံဂှ်ရ။ မွဲအဆက်ဓဝ် သီုကဵုဏာတၟာဲပရၚ်တဲ မပ္တံကဵုကၞဴသွက်ဂွံစဵုဒၞာဂမိတ်၊ ကဠာခ္ဍိုဟ်ဍာ်၊ ဂၠိက်ယာတ်၊ ဂဥုဲဂမိတ်နာနာ ကုညးဌာန်ဒေသတံဂှ်တံဂှ်ရ။

ဗီုရုပ်ချဳဒရာၚ်တံဂှ် ဗီုကေတ် ဒၞာဲဏံ ညိ။