ပရိုၚ်ဒဒှ်ဍာံ စပ်ကဵု "လိၚ်" မွဲပိုဒ် (အပါအဲ ကဝေၚ်အဲ)

မၞိဟ်တြုံမွဲတၠ မၞုံအာယုက်-၄၆-သၞာံ မဒှ်အပါကောန်ဝုတ်မွဲတၠဂှ် နအလဵုဇကုညး ကေၚ်ဝေၚ်ဆက်ဆောံကၠုၚ်လိၚ်ကဵုကောန်ဝုတ်ညး ပွိုၚ်ပိသၞာံ ပ္ဍဲသ္ၚိမၞုံဒေသ ကာစၚ်(Kajang) ဂှ်ရ။ ဇၟာပ်ပ်အခိၚ်သမ္ဘာညး ဟွံမွဲပ္ဍဲသ္ၚိတှေ် အပါကဵုကောန်ဝုတ်ညးၜါ ဝေၚ်အာရီုဆက်ဆောံလိၚ်ညးသ္ကံ ပ္ဍဲသ္ၚိဂှ်ရ။ အမူသၟတ်ဗြဴဂှ် ပံက်လဝ်ဆေၚ်ဖျာခေပ်သော်နွံတုဲ သၟတ်ဗြဴဂှ်လေဝ် ကေၚ်ကၠောန်မံၚ်ပ္ဍဲဆေၚ်ဖျာခေပ်သော်ဂှ် နူကဵုဆေၚ်ခေပ်သော်ဂှ် စပံက်တၟိတေံရ။ ယဝ်ခါရအမူသၟတ်ဗြဴဂှ် ဟွံဂွံသတိပြဟ်အာတှေ် ကိစ္စဝေၚ်အာရီုဆက်ဆောံလိၚ် အပါကဵုကောန်ဝုတ်ဏံ ဆက်တုဲဒှ်အာမံၚ်တၟာလအ်ဏီရ။ ပ္ဍဲဂိတုနဝ်ဝေန်ဗာ ၉၊ ၂၀၁၃ တုဲကၠုၚ်ဂှ် ဟိုတ်နူကဵုအမူဍေံ ဂၠေံဆက်ဖုၚ်သၟတ်ဗြဴဂှ်တုဲ ဂွံဆဵုကေတ်ဂလာန်ဗ္ကန် စပ်ကဵုဆက်ဆောံလိၚ် နူဇရေၚ်အပါသၟတ်ဗြဴ ပလံၚ်နၚ်လဝ်လိက်ဒမၠေံ(message) ပ္ဍဲဖုၚ်သၟတ်ဗြဴဂှ်ရ။ ဆဵုညာတ်ဒးအာ လိက်ဒမၠေံသာ်ဂှ်တုဲ အမူသၟတ်ဗြဴဂှ်လေဝ် လကိုတ်တိုန်စိုတ်တုဲ သၟာန်သၟုက်စၟဳစၟတ်တိုန်သၟတ်ဗြဴဂှ်ရ။ သၟတ်ဗြဴဂှ်လေဝ် ဒုၚ်ဝန်လဴထ္ၜးစပရူဒဒှ်ဇကုကဵုအပါဇကု ဒဒှ်ရကေၚ်ဝေၚ်ကၠုၚ်အာရီုဆက်ဆောံလိၚ်သာ်ဏံဂှ် နူအာယုက်အဲ-၁၈-သၞာံတေံတုဲ ဆက်ဝေၚ်ကၠုၚ်ဒၟံၚ်စဵုလၟုဟ်ဏီရ။ သၟတ်ဗြဴဂှ်လေဝ် သီုကဵုဟွံကၟာတ်လဒဵုထောံမွဲသာ် ပံက်ဟီုလဴထောံပရောဒဒှ်ဇကုသောဲသောဲဗြောဲဗြောဲ ဗီုကေၚ်ဒှ်ကၠုၚ်လဝ် နူတမ်အလန်ပထမ ဝေၚ်လိၚ်ကဵုအပါဂှ်တုဲ လက္ကရဴဏံ သီုကဵုစောဲလာံဆာန်အာအပါဂှ်ရ။ အမူဂှ် ကော်ဖျဴဏာသၟတ်ဗြဴ ပ္ဍဲသ္ၚိသၟတ်ဗြဴဂှ်တုဲ ကော်ပကောံမိမသၟတ်ဗြဴဂှ်သီုၜါလ္ပာ်တုဲ တက်ကျာဟီုသ္ဂးကိစ္စဏံရ။ သမ္ဘာညးတေံလေဝ် ဒေါသတိတ်ထေဲပၞတ်တိုန်တုဲ ဟီုဗျိပၠုတ်လက်ဒေါန်တြုံတၠသ္ၚိဇကု မွဲမးဟွံတာန်ကီုလေဝ် တြုံတၠသ္ၚိဂှ် သီုဟွံကလေၚ်ဟီုမွဲသာ် ဂ္ဇံညိၚ်မံၚ်ရ။ တုဲပၠန် သၟတ်ဗြဴကောန်ဝုတ်ဂှ်လေဝ် "အပါကဵုအဲ ဆက်ဆောံလိၚ်အလန်လက္ကရဴအိုတ်ဏံဂှ် ဂိတုအံက်တဝ်ဗာတုဲကၠုၚ်ဏံရတုဲ ဇၟာပ်ပ်အပါဝေၚ်အာရီုကဵုအဲတုဲဂှ် ညးကဵုအဲသြန်တွဵုရ၊ တုဲပၠန် အပါလေဝ် ပံက်လဝ်ဆေၚ်စသုၚ်ပ္ဍဲကဵုကာစၚ်(Kajang)နွံရ။

ဟိုတ်နူကဵုအမူဂှ် ဒှ်ဓဝိၚ်ဂွိၚ်ကဵုဒေံသၟတ်ဗြဴဂှ်မွဲတၠ နွံအာယုက်-၉-သၞာံဂှ် ဇၞော်တိုန်မ္ဂး ဂွိၚ်ဖေက်ဒှ်အာ ညံၚ်ရဴသၟတ်ဗြဴဝွံကီုတုဲ ဗီုလဵုဒှ်ဒှ်ရ အမူဂှ် ကော်ဏာသၟတ်ဗြဴဂှ် ရုၚ်ဗၠာဲသၟိၚ်ပ္ဍဲကာစၚ်(Kajang)ဂှ်တုဲ သွက်ဂွံစၟဳစၟတ်စပ်ကဵုကိစ္စဏံ နကဵုၝောံပိုဒ် 376A တုဲ အပါသၟတ်ဗြဴဂှ် ဒးဒုၚ်ထိၚ်လဝ်စဵုစိုပ်စၟတ်တ္ၚဲ နဝ်ဝေန်ဗာ ၂၆ ဏံဏီရ။ အမှုဂကူဏံဝွံ ဒးဒုၚ်ထံၚ်အကြာ ၆-သၞာံ ကဵု ၂၀-သၞာံ ဒှ်မာန်တုဲ ဒဏ်လေံၜဝ်လေဝ် ဗွဲမဗဗွဲကဵုဖျေံသ္ဂုတ်သွာတ်အမှုတုဲ ဒးဒုၚ်ဒှ်စလေပ်ရ။ ပြဟ်ဟ်ဏံ သၟတ်ဗြဴဂှ်လေဝ် သွက်ဂွံဒုၚ်စၟဳစၟတ်ယဲဂှ် ပလံၚ်ဏာလဝ်ရုၚ်ဂဥုဲကာစၚ်(Kajang)ဂှ်ရ။

ဂကူမန်ပိုဲတံလေဝ် ဂွံဗှ်ကေတ်ပရူဒဒှ်ဏံမွဲပိုဒ်ဍောတ်တုဲ ညံၚ်ဂွံကေတ်ခန်လ္ၚတ်လေပ် ညံၚ်ဟွံဂွံလွဳၜံၚ်ဒးအာ စိုတ်ဓါတ်ဗီုဗီုဏံဂှ် အဲဂွံဗှ်ကေတ်ပရိုၚ်ဏံတုဲ လဝ်စိုတ်မိက်ဂွံကဵုသတိ ကုကောန်ဂကူပိုဲတံတုဲဟေၚ် ဗွဲမဗဗွဲထေက်ကြိုက် မ္ဒးကၠာဲစၠောံဏာဘာသာရ။

ချူ - နာဲဂျေမ္မဳမန် (ခေတ္တ-မလေဝ်ယှာ)
ကံက်နုက်နၚ်နူကဵုလိက်ပရိုၚ် (The Star)