သ္ဒးပ္တိုန်စရၚ်သၟာကမၠောန်ကောန်ဍုၚ်မ္ၚး

ညးတၠကမၠောန်တံ စနူတ္ၚဲကောန်ကမၠောန်ဇကု စကၠောန်ကမၠောန်တုဲ ပ္ဍဲအပ္ဍဲပွိုၚ် ၁၄-တ္ၚဲဟေၚ် သွက်ကောန်ကမၠောန်ဇကုတံဂှ် သ္ဒးပတိုန်စရၚ်ကဵုဌာန Peninsular Malaysia Manpower Department (PMMD) တေံရောၚ်၊ ဟွံသေၚ်တှေ် ဒးဒဏ်ြသန်စဵုကဵု RM10,000 ဒှ်မာန်မံၚ်ရောၚ်။ ပ္ဍဲကဵုလိက်လလောၚ်ြတးဂှ် ညးတၠကမၠောန်တံ ကောန်ကမၠောန်ဇကု ဟိုတ်နူကဵုဟွံသ္ပဂရုကဵုကမၠောန်ကီု ဟိုတ်နူဖံက်ပကဝ်သၞောဝ်ကမၠောန်ကီု ဟိုတ်နူကဵု work-permit အာယုက်အိုတ်အာကီု ဟိုတ်နူကဵုဟိုတ်မွဲမွဲတုဲ ဒေံါဇူအာနူကမၠောန်တှေ်လေဝ် ကြဴနူကဵု ကောန်ကမၠောန်ဇကုဒေံါဇူအာတုဲ ပ္ဍဲအပ္ဍဲ ၃၀-တ္ၚဲဟေၚ် သ္ဒးကဵုသမ္တီကဵုဌာန (PMMD) တေံပၠန်ရောၚ် သာ်ဝွံ Mohd Jeffrey Joakim ဟီုရ။

ပ္ဍဲကဵုသၞောဝ်ပ္တိတ်လဝ် ၝောံပိုဒ် 57A ကဵု 57B ဂှ် ညးတၠကမၠောန်စကာလဝ်ကောန်ကမၠောန် ကောန်ဍုၚ်ပ္ဍဲတံဂှ်လေဝ် ကောန်ကမၠောန်ဇကု စနူတ္ၚဲကၠောန်ကမၠောန် ဟွံသေၚ်တှေ် စနူတ္ၚဲဒေံါကမၠောန်တုဲ ပ္ဍဲအပ္ဍဲ ၃၀-တ္ၚဲဟေၚ် သ္ဒးကဵုသမ္တီကုဌာန (PMMD) ကီုရောၚ် သာ်ဝွံ ညးထပ်ဟီုလဝ် ပ္ဍဲလိက်လလောၚ်ြတး နူတနေံတေံရ။ သၞောဝ်တံဏံဝွံ စှေ်ကၠုၚ်နူသၞောဝ် ပ္ဍဲ 1995, သွာၚ်ကမၠောန် ၝောံပိုဒ် 60K ဂှ် ကလေၚ်ပၠေဝ်လဝ်တုဲ စစကာကၠုၚ်လဝ်နူ April 1, 2012 တေံရောၚ်။

ညးတၠကမၠောန် ဟွံဒ္ဂေတ်ဗက်လၟေၚ်သၞောဝ် ဟွံသေၚ်တှေ် က္လိလောန်အာဒုဟ်တံဏံမ္ဂး ဒးဒဏ်ြသန် ဟွံလောန်ၜက်လ္တူနူ RM 10,000 ပုဟ် သာ်ဝွံ ညးထပ်ဟီုဏာပၠန်ရ။

Ref: The Star News (Jan 9, 2014)