ပပ္တံနူ January 21, 2014 ဏံတုဲ ဗၠာဲသၟိၚ်တံစရပ် ကောန်ကမၠတ်တံမွဲဝါပၠန်

စနူစၟတ်တ္ၚဲ 21 ဂိတုဏံတုဲ ဗၠာဲသၟိၚ်တံစရပ်အာ ညးဟွံမွဲကဵု လိက်အခေါၚ်ကၠောန်ကမၠောန်တံရောၚ်။ ညံၚ်ရဴအခိၚ်ဗၠာဲသၟိၚ်တံရပ် သၞာံတုဲကၠုၚ်ဏံဂှ်တှေ် ဟိုတ်နူကဵုကောန်ကမၠောန်ကမၠတ်တံ ဒးအောပ်ဗ္ဒန် မံၚ် နူဘဲဗၠာဲသၟိၚ်တံဂှ်တုဲ ပ္ဍဲကဵုကၠံတဵုလွဳ၊ ဗွိုၚ်ကမၠောန်ကၠောန်သ္ၚိတိုက်၊ ပ္ဍဲရုၚ်ကမၠောန်ကၠောန်ကပေါတ်တံ ကမၠောန်လီုကၠုၚ်နွံရောၚ်။ 

ဟိုတ်နူညးတံလိၚ်ကေတ် နူညးစၠောံပရေၚ်ကောန်ကမၠောန်မွဲက္ဆံၚ်တုဲ ဒဒှ်ရကောန်ကမၠောန်ညးတံ ဒှ်မံၚ်ကောန်ကမၠတ်ဂှ် ညးတံဟွံတီကေတ်လဝ်ပုဟ် သာ်ဝွံ သေဌဳတၠကမၠောန်လ္ၚဵုတံဟီုရ။ သေဌဳလ္ၚဵုတံလေဝ် ကောန်ကမၠောန်ညးတံ ဃောပ္တိုန်လဝ်လိက်အခေါၚ်ကမၠောန်ဖိုဟ် သာ်ဝွံဟီုလေဝ်နွံရ။ ကုသေဌဳတၠကမၠောန်တံလေဝ် နူကၠာဟွံစိုပ်စၟတ်တ္ၚဲ ၂၁ ဏီ ကောန်ကမၠောန်ညးတံဖအိုတ် ညံၚ်ဂွံပ္တိုန်ထောံ စရၚ်မာန်ဂှ်လေဝ် ဝန်ဇၞော် Ahmad Zahid ကဵုလဝ်သတိကုတၠကမၠောန်တံရ။

ပ္ဍဲကဵုအစဳဇန်ရပ်ကောန်ကမၠတ်အလန်ဏံဂှ် Immigration Department, Police ကဵု Rela တံပါလုပ်ရောၚ်။ ကာလရပ်ဂွံတုဲ သွက်ဂွံက္လေၚ်ပလံၚ်ဖျဴဍုၚ်ဇာတိဇကုဂှ်လေဝ် ခရိတ်ဂၠံၚ်တံဂှ် ဇကုဒးကဵုစကေတ် ဟွံသေၚ်တှေ် သေဌဳတၠကမၠောန်ဇကု ဟွံသေၚ်မ္ဂး နကဵုအစဳဇန်ဍုၚ်ဇကုမွဲမွဲဗီုဟေၚ် ဍေံတံက္လေၚ်ပလံၚ်ဖျဴကဵုရ။ ကုညး ဒးဒုၚ်ရပ်တံဂှ်လေဝ် နကဵုယၟုတၞဟ်ဟ် လက္ကရဴညံၚ်ဟွံက္လေၚ်ကၠုၚ်ဍုၚ်မလေဝ်ယှာဏံမာန် နူကၠာဟွံပလံၚ် ဖျဴဍုၚ်ဇာတိဇကုဏီ ညးဒးဒုၚ်ရပ်တံ သ္ဒးဍုၚ်ဏာၝောံတဲရောၚ် သာ်ဝွံ Ahmad Zahid ထပ်ဟီုဏာရ။ 

Ref : The Star News